Rusiya Prezidentinin köməkçisi Yuri Uşakov Əbu-Dabidə keçirilməsi planlaşdırılan üçtərəfli görüşün tarixlərinin artıq bu həftə açıqlana biləcəyini istisna etməyib.

"Report" xəbər verir ki, bu barədə Rusiya mediası məlumat yayıb.

"Biz amerikalılarla Əbu-Dabidə Rusiya, ABŞ və Ukrayna arasında üçtərəfli danışıqların keçirilməsi üçün mümkün tarixlərin müzakirəsi prosesinə başlamışıq", - Kremlin nümayəndəsi qeyd edib.

"Tarixləri müzakirə edirik. Görüş noyabr ayında keçiriləcək, konkret olaraq artıq müzakirələrə başlamışıq", - o əlavə edib.

Daha əvvəl ABŞ Prezidenti Donald Tramp öz ölkəsinin, Rusiya və Ukrayna nümayəndələrinin iştirakı ilə üçtərəfli danışıqların yaxın vaxtlarda baş tuta biləcəyini bəyan etmişdi. Ağ Evin rəhbəri hər iki tərəfin sövdələşmə bağlamaq istədiyinə əmin olduğunu ifadə edib.

Oxşar xəbərlər

Azərbaycanın və BƏƏ prezidentləri Əbu-Dabidə "Sülh Qalxanı – 2026" birgə əməliyyat-taktiki təlimini izləyiblər

Əbu-Dabidə Azərbaycan Prezidenti İlham Əliyevin Birləşmiş Ərəb Əmirliklərinin Prezidenti ilə görüşü olub

Leyla Əliyeva Luvr Əbu-Dabi muzeyini və İbrahim Ailə Evini ziyarət edib

Dünya mediası Azərbaycan Prezidentinin IV Şuşa Forumundakı çıxışını işıqlandırmaqda davam edir

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib