Çin Ukraynada müharibənin başa çatdırılması yollarını müzakirə etmək üçün Rusiya və ABŞ-ın iştirakı ilə üçtərəfli sammitin keçirilməsində maraqlı deyil.

"Report" xəbər verir ki, bunu Almaniya Prezidenti Frank-Valter Ştaynmayer DPA agentliyinə müsahibəsində bildirib.

O, bu məsələni Pekində Çin Xalq Respublikasının Sədri Si Cinpinlə görüşü zamanı müzakirə etdiyini dəqiqləşdirib.

Ştaynmayer Çinin Şençjen şəhərində keçiriləcək Asiya-Sakit Okean İqtisadi Əməkdaşlığı Təşkilatının (APEC) sammiti çərçivəsində ABŞ, Rusiya və Çin liderlərinin üçtərəfli görüşünün baş tuta biləcəyini istisna etməyib.

Lakin onun sözlərinə görə, Ukrayna məsələsi gündəliyə daxil edilməyəcək.

"ABŞ, Rusiya və Çinin iştirakı ilə Ukrayna üzrə sammitə heç bir hazırlıq aparılmır. O (Si Cinpin – red.) açıq şəkildə bildirdi ki, bu, Avropa münaqişəsidir və onun həllində avropalıların özləri iştirak etməlidirlər", – Almaniya Prezidenti bildirib.

Oxşar xəbərlər

Prezident İlham Əliyevin adından AQEM-in 7-ci Zirvə Görüşünün iştirakçılarının şərəfinə şam yeməyi verilib

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

WUF13-ün beşinci günündən maraqlı anlar - FOTOREPORTAJ

Nazirlik sel təhlükəsi zamanı qorunmağın yollarını göstərdi

İlham Əliyev TDT-yə üzv dövlətlərin hökumət başçılarının görüşünün iştirakçılarını qəbul edib