"Bir çox nüfuzlu elmi jurnalda soyuğun insan ömrünə və uzunömürlülüyə təsiri ilə bağlı araşdırmalar dərc olunur. Lakin soyuğun ömrü uzatdığı hələ tam elmi şəkildə sübut edilməyib. Çünki soyuğun insan orqanizminə bəzi müsbət təsirləri olsa da, onun mənfi təsirləri də var".

Far.Az Baku TV-yə istinadən xəbər verir ki, bu barədə tibb elmləri doktoru Sədrəddin Atakişizadə açıqlama verib.

Mütəxəssis soyuğun insan ömrünə təsiri ilə bağlı yayılan fikirlərə aydınlıq gətirib.

O bildirib ki, soyuğun insan ömrünü birbaşa uzatdığını tam əminliklə söyləmək mümkün deyil. Əgər soyuq birbaşa uzunömürlülüyü təmin etsəydi, soyuq iqlim şəraitində yaşayan insanların ömrü daha uzun olardı.

"Soyuq maddələr mübadiləsini sürətləndirə, eyni zamanda orqanizmdəki iltihabi proseslərə təsir göstərə bilər. Buz vannalarının və soyuq duşların immun sisteminə müsbət təsir etdiyi ilə bağlı fikirlər isə hələ tam elmi təsdiqini tapmayıb", - deyə o bildirib.

Mütəxəssisin sözlərinə görə, soyuğun insan orqanizminə təsiri ilə bağlı tədqiqatların əksəriyyəti laboratoriya heyvanları üzərində aparılıb. Bu araşdırmaların bəzilərində müsbət nəticələr əldə olunsa da, həmin nəticələri birbaşa insanlara aid etmək olmaz. Çünki heyvan və insan orqanizmləri arasında fizioloji fərqlər mövcuddur.

Oxşar xəbərlər

Gələcəyə ümidlə baxan uşaqların sağlamlıq arzusu burada gerçəkləşə bilər

Dekan: Qarabağ Universitetində Tibb və sağlamlıq elmləri fakültəsi fəaliyyətə başlayacaq

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Həyatda yaxşı şeyləri niyə görmürük? - Tanınmış simaların FİKİRLƏRİ

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN