ASCO 9 ayda 560 tona yaxın metalı təkrar emala göndərib
Far.Az xəbər saytı

ASCO 9 ayda 560 tona yaxın metalı təkrar emala göndərib


Bu ilin yanvar-sentyabr aylarında "Azərbaycan Xəzər Dəniz Gəmiçiliyi" QSC (ASCO) 0,414 ton kağızı, 0,414 ton plastması, 558,75 ton qara metalı və 0,9 ton əlvan metalı təkrar emala göndərib.

"Report" bu barədə səhmdar cəmiyyətinə istinadən xəbər verir.

Məlumata görə, 9 ay ərzində ASCO gəmilərindən 74,31 m³ plastmas, 653,99 m³ qida qalığı, 625,14 m³ məişət tullantısı (kağız-karton, əski, şüşə, metal və s.), 108,88 m³ istismar tullantısı, 132,1 m³ neft qalığı-şlam, 3452,2 m³ döşəməaltı lyal sular, 67721,9 m³ məişət təsərrüfat çirkab su bağlanmış müqavilələr əsasında təcrübəli mütəxəssislərə və texniki resurslara malik sertifikatlı qurumlara təhvil verilməklə ərazidən kənarlaşdırılıb.

Bu dövrdə ASCO-nun sahil obyektləri üzrə 21,2 ton yanmış qəlib qumu, 1131,34 ton abraziv (gəmi gövdəsindən çıxan pas-boya-çınqıl-qum qarışığı), 61386 ton məişət çirkab suyu, 757,2 ton neftli döşəməaltı-lyal su, 176,4 ton sürtgü yağı, 3395,74 m³ məişət tullantısı (kağız-karton, taxta, əski, şüşə, metal, butulka və s.), 643,66 m³ qida qalığı, 352,75 m³ polimer əsaslı və plastmas tullantı, 65,7 m³ yağlı və neftli tullantı, 191,41 m³ rezin tullantı, 289,05 m³ istismar tullantısı, 0,059 m³ tibbi tullantı aidiyyəti üzrə təhvil verilib.

"ASCO gəmilərin istismarı və sahil obyektlərinin fəaliyyəti nəticəsində yaranan maye və bərk tullantıların su mənbələrinə, qrunt qatına və havaya mənfi təsirlərinin minimuma endirilməsini daim diqqətdə saxlayır. Əməliyyatlar zamanı ətraf mühitə zərərin vurulmaması üçün zəruri qabaqlayıcı tədbirlər görülür", - deyə məlumatda qeyd olunub.

Oxşar xəbərlər

ASCO maliyyə zərərinin səbəblərini açıqlayıb - EKSKLÜZİV
Bakıda COP29-un Liderlər Sammitinin açılış mərasimi keçirilib - YENİLƏNİB-2
“Dövlət informasiya ehtiyatlarının və sistemlərinin Nümunəvi Əsasnaməsi” təsdiq edilib
Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4
“Keyfiyyət bizim həyatımızdır” şüarını əsas tutan müəssisə

Ən son xəbərləri bizim

"Facebook" səhifəmizdə izləyin

Digər xəbərlər