İraqda qaz kəməri partladı: Dörd ölü, xeyli yaralı var
Far.Az xəbər saytı

İraqda qaz kəməri partladı: Dörd ölü, xeyli yaralı var


İraqın cənubunda yerləşən Bəsrə əyalətində elektrik stansiyasını qazla təmin edən kəmərdə baş verən partlayış nəticəsində ən azı 4 nəfər həyatını itirib, təxminən 35 nəfər isə müxtəlif dərəcəli bədən xəsarətləri alıb.

Far.Az Oxu.Az-a istinadən bildirir ki, bu barədə əyalət qubernatorunun müavini Mahir əl-Amiri açıqlama verib.

Onun sözlərinə görə, hadisə səhər saatlarında qeydə alınıb. Qubernator müavini həmçinin qəzanın yaranma səbəblərini və şəraitini araşdırmaq məqsədilə xüsusi istintaq komissiyasının yaradıldığını deyib.

İraqın elektrik enerjisi naziri Əli Vahib hadisə ilə əlaqədar təcili iclas çağıraraq, elektrik stansiyasında yaranmış zərərin aradan qaldırılması üçün təxirəsalınmaz tədbirlərin görülməsinə dair göstəriş verib.

O, vətəndaşların və işçi heyətin təhlükəsizliyinin ən vacib məsələ olduğunu vurğulayaraq, təhlükəsizlik qaydalarının gücləndirilməsinə, qəzanın səbəblərinin aydınlaşdırılmasına və enerji sisteminin fasiləsiz fəaliyyətinin təmin olunmasına çağırış edib.

Oxşar xəbərlər

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3
Prezident İlham Əliyev Bakı Enerji Həftəsinin rəsmi açılış mərasimində iştirak edib
Bakıda obyektdə güclü PARTLAYIŞ - 7 nəfər xilas edilib, yaralılar var
Milli Məclisin parlamentlərarası əlaqələr üzrə işçi qruplarına rəhbərlər seçilib - SİYAHI
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Ən son xəbərləri bizim

"Facebook" səhifəmizdə izləyin

Digər xəbərlər