ABŞ-nin Hyuston və Çikaqo universitetlərinin alimləri belə qənaətə gəliblər ki, Yer kürəsində ilk canlı hüceyrələr 3.8 milyard il əvvəl yağışlar sayəsində əmələ gəlib.

"Far.Az" xəbər verir ki, bu barədə müvafiq araşdırma "Science Advances" elmi jurnalında dərc olunub.

Tədqiqatçılar zülallar, lipidlər və RNT kimi mürəkkəb molekullardan təbii olaraq yaranan koaservat damcılarını tədqiq edib. Bu damcılar suda yağ hissəcikləri kimi hərəkət edirlər.

Koaservat damcıları öz aralarında molekul mübadiləsi apara bilir, lakin bu zaman onların tərkibi eyniləşir. Belə şəraitdə daha mürəkkəb orqanizmlərin inkişafı üçün zəruri olan təkamül prosesləri baş verə bilməz.

Mütəxəssislər güman edirlər ki, hələ yeni yaranmış Yerdə yağışlar zamanı şirin su koaservat damcılarının ətrafında müvəqqəti qoruyucu örtük əmələ gətirib və bu da onların RNT-ni bir-birinə köçürməsinə mane olub. Bu fərziyyə laboratoriya təcrübələri zamanı təsdiqlənib.

Beləliklə, RNT kapsullarında mutasiyaların və digər təkamül proseslərinin baş verməsi üçün kifayət qədər vaxt olub.

Oxşar xəbərlər

Bu dərmanlar xərçəngdən qoruyur - Yeni araşdırma

AZAL-ın Baş Kommersiya İnzibatçısı: “Bilet qiyməti heç də hər zaman aviaşirkətdən asılı deyil”-MÜSAHİBƏ

Stres keçirən hər kəs xərçəngə tutulur? - ARAŞDIRMA

Azərbaycanda keçiriləcək COP29 - iqlim dəyişmələrinin qarşısıalınmaz fəsadları ilə mübarizədə yeni mərhələ - RƏY

Azərbaycan və Rusiya prezidentləri mətbuata bəyanatlarla çıxış ediblər - YENİLƏNİB-1