Azərbaycan Güləş Federasiyası Tərtərdə seminar keçirib
Azərbaycan Güləş Federasiyası (AGF) Tərtərdə seminar keçirib.
AGF-dən "Report"a verilən məlumata görə, tədbirdə Tərtər, Şuşa, Xankəndi, Ağdam, Ağcabədi, Bərdə, Füzuli, Xocalı və Xocavənd rayonunu əhatə edən region məşqçiləri iştirak edib.
Seminarın nəzəri hissəsi Gənclər Mərkəzində keçirilib. Qarabağ Regional Gənclər və İdman İdarəsinin idman şöbəsinin müdiri Şəhram Quliyev bu seminarın təşkilinə görə Azərbaycan Güləş Federasiyasına (AGF) təşəkkürünü bildirib.
Tədbirdə bu regionda güləşlə bağlı mövcud problemlər və çatışmazlıqlar dilə gətirilib. AGF Hakimlər Kollegiyasının sədri Qərib Əliyev yarış qaydalarından danışıb və gələcəkdə bu regionda güləşi daha da canlandırmaq üçün yerli yarışların keçirilməsinin məqsədəuyğun olduğunu qeyd edib.
Sərbəst güləş üzrə U-20 millinin məşqçisi Nazim Əlicanov və yunan-Roma güləşi üzrə U-17 millinin məşqçisi Nazim Əhmədov həmkarlarıyla təcrübələrini bölüşüb. I-S kateqoriyalı referi Sədi Quliyev video görüntülərlə müxtəlif görüşlərdə həyata keçirilən fəndlərin xalla qiymətləndirilməsini izah edib.
Tədbirin praktiki hissəsi Tərtər Olimpiya İdman Kompleksində baş tutub. Nazim Əlicanovun rəhbərliyi altında keçirilən nümunəvi məşqdə müxtəlif fəndlərin icrasına da yer ayrılıb.
Qeyd edək ki, güləş məşqçilərinin Ümumrespublika seminarının növbəti mərhələsi dekabrın 3-də Lənkəran şəhərində keçiriləcək.
Oxşar xəbərlər
Vətən müharibəsinin başlamasından 4 il ötür
Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4
Azərbaycan Güləş Federasiyası Gəncədə seminar keçirib
Qəbələdə güləş məşqçiləri üçün seminar keçirilib
Azərbaycan Güləş Federasiyası Qazax şəhərində seminar keçirib
Ən son xəbərləri bizim
"Facebook" səhifəmizdə izləyin
Digər xəbərlər
-
Azərbaycan BP ilə birgə enerji layihələrinin inkişafını müzakirə edib – Yenilənib
-
Almaniyada məlumat sızıntısına görə "Deutsche Bank" barəsində araşdırma başladılıb
-
Macarıstan Xorvatiya vasitəsilə neft tədarükünə dair danışıqlara başlayıb
-
General Natiq Əliyevin qızı ilə bağlı qərar verildi
-
Azərbaycanda ağır qəza - Ölənlərin sayı artır: Həlak olan ata və azyaşlı qızının fotosu
-
Azərbaycan-Türkiyə müttəfiqlik münasibətlərinin cari gündəliyi müzakirə olunub













