Azərbaycanın Qazaxıstandakı səfirliyində 20 Yanvar faciəsinin ildönümü ilə bağlı tədbir keçirilib
Azərbaycanın Qazaxıstandakı səfirliyində 20 Yanvar hadisələrinin 35-ci ildönümü ilə əlaqədar anım tədbiri təşkil olunub.
Səfirlikdən “Far.Az”a verilən məlumata görə, tədbir iştirakçıları əvvəlcə Ümummilli Lider Heydər Əliyevin büstünün və 20 Yanvar şəhidlərinin xatirəsinə həsr olunmuş stendin qarşısına gül dəstələri qoyublar.
Azərbaycanın müstəqilliyi, suverenliyi və ərazi bütövlüyü uğrunda canlarından keçmiş şəhidlərin xatirəsi bir dəqiqəlik sükutla yad edilib.
Tədbiri giriş sözü ilə açan Azərbaycanın Qazaxıstandakı səfiri Ağalar Atamoğlanov qeyd edib ki, 20 Yanvar təkcə matəm günü deyil, həm də tariximizin ən qürurverici səhifələrindən biridir.
O qeyd edib ki, keçmiş sovet hökuməti 1990-cı ilin 20 Yanvar hadisələri ilə bağlı həqiqətlərin yayılmasının qarşısını almaq üçün çox böyük səylər göstərib. Lakin Azərbaycan xalqının Ümummilli Lideri Heydər Əliyev dünya ictimaiyyətinin bu amansız qırğından elə ertəsi gün xəbər tutmasında əvəzsiz rola malik olub.
Səfir əlavə edib ki, müstəqilliyimizin bərpasından və Ulu Öndərin hakimiyyətə qayıdışından sonra Azərbaycan xalqına qarşı törədilmiş bir sıra cinayətlərə, o cümlədən 20 Yanvar faciəsinə siyasi-hüquqi qiymət verilib.
“Xalqımızın birliyi və iradəsi 44 günlük Vətən müharibəsində qalib Ali Baş Komandan İlham Əliyevin rəhbərlik etdiyi şanlı Azərbaycan ordusunun qələbəsinin əsasını təşkil edib”, - o deyib.
Tədbirdə həmçinin Qazaxıstandakı Azərbaycan diasporunun nümayəndələri də çıxış ediblər. Həmçinin 20 Yanvar faciəsinə həsr olunmuş fotosərgi təşkil olunub.
Oxşar xəbərlər
Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4
Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
Gürcüstanın bölgələrində 20 Yanvar şəhidlərinin xatirəsi yad edilib
Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2
Sankt-Peterburqda Ümummilli Lider Heydər Əliyevin xatirəsi anılıb
Ən son xəbərləri bizim
"Facebook" səhifəmizdə izləyin
Digər xəbərlər
-
Livanda "Hizbullah"ın beş üzvü dövlət təhlükəsizliyinə təhdiddə ittiham olunub
-
XİN: Tbilisidə baş vermiş faciəvi partlayış xəbərindən dərin kədər hissi keçiririk
-
"Anthropic"in səhmləri "Nasdaq"da ticarətin ilk günündə 17 % artıb
-
Əməkdar artist: Canlandırdığım obrazın daxili dünyasını daha dərindən anlamağa çalışdım
-
Qarakənd faciəsindən 35 il ötür
-
Qızılın qiyməti ötən ilin sentyabrından sonra ilk dəfə 3 650 dollardan aşağı düşüb













