Tramp husilərin qruplaşmasını terror təşkilatı kimi tanıyan fərman imzalayıb
ABŞ Prezidenti Donald Tramp Yəmən husilərinin “Ənsar Allah” qruplaşmasının ABŞ tərəfindən xarici terror təşkilatı kimi tanınması haqqında fərman imzalayıb.
“Far.Az” xəbər verir ki, müvafiq bəyanatı Ağ Evin mətbuat xidməti yayıb.
“Bu əmr "Ənsar Allah" təşkilatının, həmçinin husilər kimi tanınan qrupun xarici terror təşkilatı kimi tanınması üçün nəzərdən keçirilməsi prosesini başladır”, – fərmanda qeyd olunub.
Fərmanda bildirilib ki, "2023-cü ildən husilər İran İslam İnqilabı Keşikçiləri Korpusunun (Sepah) dəstəyi ilə ABŞ Hərbi Dəniz Qüvvələrinin gəmilərini dəfələrlə atəşə tutub”, “2014-2015-ci illərdə husilər mülki infrastruktura çoxsaylı hücumlar edib, o cümlədən Səudiyyə Ərəbistanındakı mülki hava limanlarına çoxsaylı hücumlar, 2022-ci ilin yanvarında Birləşmiş Ərəb Əmirliklərinə ölümcül hücumlar və 2023-cü ilin oktyabrından İsrailə 300-dən çox mərmi atıblar”.
“Husilərin hərəkətləri Yaxın Şərqdəki Amerika mülki şəxslərinin və personalının təhlükəsizliyinə, ən yaxın regional tərəfdaşlarımızın təhlükəsizliyinə və qlobal dəniz ticarətinin sabitliyinə təhdid yaradır”, – sənəddə qeyd olunub.
Fərmana əsasən, ABŞ dövlət katibi 30 gün ərzində Milli Təhlükəsizlik Şurası vasitəsilə prezidentə “Ənsar Allah”ın xarici terror təşkilatları siyahısına daxil edilməsi barədə hesabat təqdim etməli, hesabatın təqdim edilməsindən 15 gün sonra təşkilatın terror təşkilatı kimi tanınması üçün bütün tədbirləri görməlidir.
Fərman həmçinin nəzərdə tutur ki, ABŞ-nin Beynəlxalq İnkişaf Agentliyi (USAID) və Dövlət Departamenti Yəməndə husilərə ödəniş edən və ya qruplaşma ilə mübarizədə beynəlxalq səylərə mane olan istənilən təşkilatla əlaqələri kəsəcək.
Oxşar xəbərlər
Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
KİV: Rusiya Qırmızı dənizdə ticarət gəmilərinə hücumlar üçün husilərə peyk məlumatlarını ötürüb
WSJ: Rusiya Qırmızı dənizdə ticarət gəmilərinə hücumlar üçün husilərə peyk məlumatlarını ötürüb
Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4
HƏMAS-İsrail müharibəsinin bir ili - kim nə qazanıb? - ŞƏRH
Ən son xəbərləri bizim
"Facebook" səhifəmizdə izləyin
Digər xəbərlər
-
Ohayo ştatında baş verən atışmada bir neçə nəfər yaralanıb
-
Hindistanda saxta spirtli içkiyə görə mindən çox şəxs xəstəxanaya yerləşdirilib - Yenilənib
-
Türkiyədə baş verən zəncirvari qəzada bir nəfər ölüb, 10 nəfər xəsarət alıb
-
"Real Madrid" səfərdə "Selta" üzərində qələbə qazanıb
-
Virciniyada yarım əsrdən sonra ilk dəfə qızılca xəstəliyindən bir uşaq ölüb
-
WSJ: ABŞ-nin daxili təhlükəsizlik nazirinə müsahibə vermək qadağan edilib













