Gəncədə 12 nəfəri əmək müqaviləsi olmadan işlədən vəzifəli şəxs barəsində cinayət işi başlanıb.

Far.Az xəbər verir ki, bu barədə Gəncə Şəhər Prokurorluğu məlumat yayıb. 

Qeyd olunub ki, şəhər ərazisində əmək hüquqlarının pozulması halları barədə daxil olmuş müraciət əsasında şəhər prokurorluğunda araşdırma aparılıb.

Araşdırma zamanı "Fazil-20" MMC-nin vəzifəli şəxsi tərəfindən əmək qanunvericiliyində nəzərdə tutulmuş qaydada əmək müqaviləsi (kontraktı) hüquqi qüvvəyə minmədən 12 nəfərin işlərin (xidmətlərin) yerinə yetirilməsinə cəlb edilməsi müəyyən edilib.

Faktla bağlı Gəncə şəhər prokurorluğunda Cinayət Məcəlləsinin 162-1.1 (əmək müqaviləsi (kontraktı) hüquqi qüvvəyə minmədən xeyli sayda işçilərin hər hansı işlərin (xidmətlərin) yerinə yetirilməsinə cəlb edilməsi) maddəsi ilə cinayət işi başlanıb, hazırda ibtidai istintaq davam edir.

Oxşar xəbərlər

Qarabağda və Şərqi Zəngəzurda peşə təhsili müəssisələri ilə bağlı görülən işlər AÇIQLANDI

"Baku Steel Company" QSC-də talassemiyalı və hemofiliyalı xəstələrə qanvermə aksiyası keçirilib

Mingəçevir-Xankəndi-Laçın və Gəncə-Xankəndi-Şuşa marşrut xətləri istifadəyə verilib

Media nümayəndələri üçün kibertəhlükəsizlik mövzusunda təlim keçirilib

Ən ideal partnyor olan yeganə BÜRC