Bu ilin sentyabr ayında Azərbaycan sabit genişzolaqlı internetin orta sürətinə (92,94 Mbps) görə avqust ayına nisbətən 3 pillə geriləyərək 150 ölkə arasında 81-ci olub.

"Far.Az" "Speedtest Global Index"ə istinadən xəbər verir ki, ötən ay bir il əvvəlki göstərici (84,02 Mbps) ilə müqayisədə ölkədə sabit genişzolaqlı internetin orta sürəti 10,6 % artıb.

Sabit genişzolaqlı internetin sürətinə görə ötən ay birinci yeri Sinqapur (476,02 Mbps), axırıncı yeri isə Əfqanıstan (5,75 Mbps) tutub.

Azərbaycan mobil internetin sürətinə (98,92 Mbps) görə sentyabrda 100 ölkə arasında 47-ci yerdə qalıb.

Mobil internetin sürətinə görə birinci yeri Birləşmiş Ərəb Əmirlikləri (681,14 Mbps), sonuncu yeri isə Liviya (19,92 Mbps) tutub.

Hesabat ayında Bakı şəhərinin sabit genişzolaqlı internetin sürətinə görə mövqeyi əvvəlki aya nisbətən 2 pillə irəliləyərək 194 şəhər arasında 92,5 Mbps sürətlə 114-cü yerdə qərarlaşıb.

Şəhərlərin sabit genişzolaqlı internet üzrə reytinqinə Əbu-Dabi (418,36 Mbps) şəhəri başçılıq edib. Sonuncu pillədə Herat (4,43 Mbps) qərarlaşıb.

Azərbaycan paytaxtı ötən ay mobil internetin sürətinə görə 7 pillə geriləyərək 122,03 Mbps sürətlə 151 şəhər arasında 85-ci yerdə qərarlaşıb.

Şəhərlər arasında mobil internetin sürətinə görə birinci yeri Əbu-Dabi (683,07 Mbps), sonuncu yeri Misrata (Liviya) (18,04 Mbps) tutub.

Oxşar xəbərlər

Azərbaycanda genişzolaqlı internetin orta sürəti 32 % artıb

Azərbaycan noyabrda mobil internetin orta sürətinə görə irəliləyib

Azərbaycan mobil internetin sürətinə görə iyunda 5 pillə irəliləyib

Azərbaycanda genişzolaqlı internetin orta sürəti 19 % artıb

Azərbaycan genişzolaqlı internetin sürətinə görə iyulda 3 pillə irəliləyib