Ramazan ayı müsəlmanlar üçün təkcə oruc tutmaq dövrü deyil, həm də mənəvi təmizlənmə və yaxşı əməllərlə savab qazanmaq fürsətidir.

BAKU.WS-in məlumatına görə, bu müqəddəs ay insanlara səbrli olmağı, paylaşmağı və Allaha daha da yaxınlaşmağı öyrədir.

Ramazan ayının hər günü rəhmət, bağışlanma və bərəkətlə doludur. Məhz bu ayda edilən ibadət və yaxşı əməllər qat-qat artıq savab qazandırır.

Bəs Ramazanda ən çox savab gətirən əməllər hansılardır?

Ramazan ayında ən savab əməl oruc tutmaqdır, çünki bu, Allahın əmri və İslamın vacibatlarından  biridir. Lakin Ramazan yalnız aclıq və susuzluqdan çəkinmək deyil, həm də ruhani saflaşma, yaxşı əməlləri artırmaq və günahlardan çəkinmək dövrüdür.

Ramazan ayında savab əməllərin bir qismini təqdim edirik:

Qurani-Kərimi oxumaq və dinləmək – Bu ayda nazil olduğu üçün Qurani-Kərimi oxumaq xüsusi savab qazandırır.

Sədəqə və xeyriyyəçilik – Ehtiyacı olanlara kömək etmək, iftar vermək böyük savab sayılır.

Tövbə və dua etmək – Ramazan günahların bağışlanması üçün ən münasib zamandır.

Qəlb təmizliyi və pis vərdişlərdən çəkinmək – Qeybət etməmək, yalan danışmamaq, əsəbləri cilovlamaq və insanlara qarşı mehriban olmaq da savabdır.

Qədr gecəsini əhya etmək – Qədr gecəsi min aydan xeyirli sayıldığı üçün bu gecədə ibadət etmək böyük əhəmiyyət daşıyır.

Ramazan ayında savab qazanmaq üçün yalnız oruc tutmaqla kifayətlənməyib, qəlbimizi və əməllərimizi də təmizləməyə çalışmalıyıq.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Ramazan ayının başlanması ilə bağlı fətva verilib

Ramazan (Ramadan) ayında kimlər oruc tutmaya bilər?

Ramazan və dua: Bu ayda edilən duaların xüsusi əhəmiyyəti