2 baş, 2 qol, 3 ayaq ilə doğulan siam əkizlərinin FACİƏSİ
Bir çox ölkələrdə siam əkizləri qəribə şoularda çıxış edərək varlı həyat sürə bilsələr də, SSRİ-də doğulmuş Maşa və Daşanın bu baxımdan bəxtləri gətirmədi.
4 yanvar 1950-ci ildə Yekaterina Krivoşlyapova qeysəriyyə əməliyyatı ilə əkiz uşaq dünyaya gətirir. Lakin həkimlər anaya yalan danışaraq, körpələrin öldüyünü deyirlər. Övladlarının cəsədini görməkdə israr edən ana uşaqlarını görəndən sonra 2 il psixiatriya xəstəxanasında müalicə almalı olur.
Bu uşaqlar SSRİ-də doğulan ilk siam əkizləri Mariya və Darya Krivoşlyapovalar idi və onların taleyinə iki başı, dörd qolu və üç ayağı olan bir bədəndə yaşamaq yazılır. Qızlar həyatlarının ilk 7 ilini akademik fizioloq Pyotr Anoxinin nəzarəti altında pediatriya institutunda keçirirlər. Həkim bu patologiyanı öyrənmək üçün əkizlər üzərində müxtəlif təcrübələr aparır. 1956-cı ildə Travmatologiya və Ortopediya İnstitutu uşaqları öz himayəsinə götürür.
Orada üçüncü ayağın qızlara mane olub-olmadığını yoxlayırlar, onu amputasiya edir və qoltuqağacı ilə yeriməyi öyrədirlər. Daha sonra qızlar orta təhsil almaq üçün Novoçerkasskda yerləşən dayaq-hərəkət sistemində problemləri olan sağlamlıq imkanları məhdud uşaqlar üçün internat məktəbinə göndərilirlər. Burada uşaqlar internat sakinləri tərəfindən davamlı zorakılığa və tənələrə məruz qalırlar. Qızları onlara baxmağa gələnlərə bir şüşə araq qarşılığında nümayiş etdirirdilər. Bu təzyiqə görə bacılar bir neçə dəfə intihar etmək fikrinə düşürlər. 12 yaşından etibarən problemlərini unutmaq üçün spirtli içki qəbul etməyə başlayırlar.
Daha sonra əkizlər Moskvada doğmalarını tapmağa qərar verirlər. 1980-ci ildə ataları beyin xərçəngindən vəfat etsə də, analarının sağ olduğunu, Sergey və Anatoli adlı qardaşlarının olduğunu öyrənirlər. 35 yaşları tamam olan gün evlərinə qonaq gedən qızlar ailə üzvləri tərəfindən onlara olan münasibətdən çox sarsılırlar.
Qardaşları onları tanımaq belə istəmir, anaları evdən qovur. Bu görüşdən sonra qızlar ağır depressiyaya düşürlər və daha çox spirtli içki qəbul etməyə başlayırlar. 90-cı illərin sonlarında isə qaraciyər sirrozu və ağciyər iltihabı xəstəliklərinə tutulurlar. 13 aprel 2003-cü ildə vəziyyətin pisləşdiyindən, özünü pis hiss etdiyindən və dərin yuxuya gedən bacısını oyada bilmədiyindən Darya təcili yardım çağırır. Xəstəxanaya yerləşdirilən bacılardan birinin − Mariyanın ürək tutmasından dünyasını dəyişdiyi aşkarlanır. 17 saatdan sonra vəfat edən bacısına bitişik Darya da intoksikasiyadan zəhərlənərək ölür.
Ətraflı Baku TV-nin süjetində:
Oxşar xəbərlər
Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2
Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4
Prezident İlham Əliyev XII Qlobal Bakı Forumunun açılış mərasimində çıxış edib
Bakıda COP29-un Liderlər Sammitinin açılış mərasimi keçirilib - YENİLƏNİB-2
Ən son xəbərləri bizim
"Facebook" səhifəmizdə izləyin
Digər xəbərlər
-
Ohayo ştatında baş verən atışmada bir neçə nəfər yaralanıb
-
Hindistanda saxta spirtli içkiyə görə mindən çox şəxs xəstəxanaya yerləşdirilib - Yenilənib
-
Türkiyədə baş verən zəncirvari qəzada bir nəfər ölüb, 10 nəfər xəsarət alıb
-
"Real Madrid" səfərdə "Selta" üzərində qələbə qazanıb
-
WSJ: ABŞ-nin daxili təhlükəsizlik nazirinə müsahibə vermək qadağan edilib
-
Virciniyada yarım əsrdən sonra ilk dəfə qızılca xəstəliyindən bir uşaq ölüb













