Koşta: Aİ və Britaniya təhlükəsizlik və müdafiə sahəsində əməkdaşlığı gücləndirməyə davam edəcək
Far.Az xəbər saytı

Koşta: Aİ və Britaniya təhlükəsizlik və müdafiə sahəsində əməkdaşlığı gücləndirməyə davam edəcək


Avropa İttifaqı (Aİ) və Böyük Britaniya təhlükəsizlik, müdafiə və iqtisadiyyat sahəsində əməkdaşlığı gücləndirməyə davam edəcək.

"Report"un Avropa bürosu xəbər verir ki, bunu Avropa İttifaqı Şurasının sədri Antonio Koşta Aİ-Böyük Britaniya sammitinin yekunlarına dair mətbuat konfransında bildirib.

Onun sözlərinə görə, Aİ və Böyük Britaniyanı tarixi münasibətlər, ortaq dəyərlər, habelə demokratiyaya, insan hüquqlarına, qanunun aliliyinə və beynəlxalq nizama sadiqlik birləşdirir.

Koşta qeyd edib ki, təhlükəsizlik və müdafiə sahəsində əməkdaşlıq 2025-ci ildə tərəflər arasında münasibətlərin yenidən qurulmasının başlanğıc nöqtəsi olub. Yeni tərəfdaşlıq çərçivəsində tərəflər hibrid təhdidlərə, xarici müdaxiləyə qarşı mübarizə, həmçinin dəniz və kosmik təhlükəsizlik sahələrində qarşılıqlı fəaliyyəti genişləndiriblər.

O bildirib ki, Aİ və Böyük Britaniya Londonun Avropa İttifaqının mülki missiyalarında daha müntəzəm iştirakına imkan verəcək sazişlə bağlı danışıqları başa çatdırıb.

Koşta vurğulayıb ki, hazırkı geosiyasi şəraitdə Avropanın birliyə ehtiyacı var və Aİ Böyük Britaniya ilə sıx əməkdaşlığa çalışacaq.

Oxşar xəbərlər

Qarabağ Universitetində "Mənəvi dəyərlər" günü keçirilib
Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3
Milli dəyərlər və gənclərin gələcəyi mövzusunda tədbir keçirilib
Şəkinin turizm xəzinəsi: Tarixi abidələrdən sənətkarlığa qədər
Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Ən son xəbərləri bizim

"Facebook" səhifəmizdə izləyin

Digər xəbərlər