Kamerunda etirazlar qanla nəticələndi: ölənlərin sayı 48-ə çatdı
Kamerunda prezident seçkilərinin nəticələrinə qarşı keçirilən hökumət əleyhinə aksiyalar getdikcə daha da gərginləşir. Birləşmiş Millətlər Təşkilatının (BMT) məlumatına görə, ölkədə davam edən iğtişaşlar nəticəsində 48 nəfər həyatını itirib.
BAKU.WS xarici mediaya istinadən xəbər verir ki, hadisələr, Prezident Pol Biyanın oktyabr ayında keçirilən seçkilərdə yenidən qalib elan edilməsindən sonra başlayıb.
Douala şəhərində baş verən qarşıdurmalarda 3 jandarma, ölkənin şimal bölgəsində isə 10 nəfərin öldüyü bildirilib.
Müxalifət lideri İssa Çiroma Bakari, seçkilərdə qalibin əslində özü olduğunu iddia edərək tərəfdarlarını "Kamerunu azad etmək" məqsədilə sülh yürüşünə çağırmışdı. Lakin yürüşlər qısa zamanda zorakılığa çevrilib, etirazçılar və təhlükəsizlik qüvvələri arasında toqquşmalar yaşanıb.
Ölkənin Konstitusiya Şurası ötən həftə yayımladığı rəsmi nəticələrdə 92 yaşlı Biya-nın 53,7 faiz səslə qalib gəldiyini, Bakari-nin isə 35,2 faiz səs topladığını açıqlayıb.
Bununla da, Pol Biya 43 illik hakimiyyətini uzadaraq səkkizinci dəfə prezident seçilib.
BMT nümayəndələri ölkədəki vəziyyətin "son dərəcə gərgin" olduğunu, insan haqları pozuntularının və polis zorakılığının artdığını bildiriblər. Təşkilat tərəfləri dialoqa və təmkinə çağırıb.
Oxşar xəbərlər
Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib
Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib
Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
Bu ölkədə seldən ölənlərin sayı 64-ə yüksəldi
Məşhurlardan 29 Oktyabr – Cümhuriyyət bayramı PAYLAŞIMLARI
Ən son xəbərləri bizim
"Facebook" səhifəmizdə izləyin
Digər xəbərlər
-
Macarıstan Xorvatiya vasitəsilə neft tədarükünə dair danışıqlara başlayıb
-
Almaniyada məlumat sızıntısına görə "Deutsche Bank" barəsində araşdırma başladılıb
-
Böyük Britaniya Ukraynaya mindən çox uzaqmənzilli dron verəcək
-
General Natiq Əliyevin qızı ilə bağlı qərar verildi
-
AzTV-də yeni dövr başlayır: Televiziyada nələr dəyişəcək?
-
Azərbaycanda ağır qəza - Ölənlərin sayı artır: Həlak olan ata və azyaşlı qızının fotosu













