Rusiyanın ordu generalına sui-qəsdin icraçısı BƏƏ-də saxlanılıb
Far.Az xəbər saytı

Rusiyanın ordu generalına sui-qəsdin icraçısı BƏƏ-də saxlanılıb


Rusiya Ordusunun general-leytenantı Vladimir Alekseyevə sui-qəsdin icraçısı Lyubomir Korba BƏƏ-də saxlanılıb.

"Far.Az"un Rusiya mətbuatına istinadən məlumatına görə, bu barədə Federal Təhlükəsizlik Xidmətinin (FTX) İctimaiyyətlə Əlaqələr Mərkəzi xəbər yayıb.

Qeyd olunur ki, cinayətin birbaşa icraçısı olan 1960-cı il təvəllüdlü Rusiya vətəndaşı Lyubomir Korba Dubayda saxlanılaraq Rusiya tərəfinə təhvil verilib.

Onun əlbir olduğu Rusiya vətəndaşları - Viktor Vasin və Zinaida Serebritskaya olub. Birinci şəxs Moskvada saxlanılıb, ikincisi isə ölkədən qaçıb. Cinayəti törədənlərin axtarışı davam edir.

Xatırladaq ki, V.Alekseyevə sui-qəsd 6 fevral səhəri Moskvanın Volokolamskoye şosesindəki yaşayış binasında baş verib. O, bir neçə güllə yarası alıb və xəstəxanaya aparılıb.

General-leytenant Silahlı Qüvvələrin Baş Qərargahının Baş İdarəsinin birinci müavini vəzifəsini tutur. 2017-ci ildə Rusiyanın Qəhrəmanı adını alıb.

Oxşar xəbərlər

Prezident İlham Əliyev Əfv Sərəncamı imzalayıb
Silahlı Qüvvələrin bir qrup hərbi qulluqçu təltif edilib
Azərbaycanın və BƏƏ prezidentləri Əbu-Dabidə "Sülh Qalxanı – 2026" birgə əməliyyat-taktiki təlimini izləyiblər
İlham Əliyev Ağdamda 2-ci yaşayış kompleksinin açılışında iştirak edib
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Ən son xəbərləri bizim

"Facebook" səhifəmizdə izləyin

Digər xəbərlər