Mingəçevir şəhərində mağazalarda aşkarlanan saxta alkoqollu içkilərin satışı qadağan edilib.

Far.Az xəbər verir ki, bu barədə Azərbaycan Qida Təhlükəsizliyi Agentliyi (AQTA) məlumat yayıb.

Bildirilib ki, bunlar Puşkin küçəsi, ev 20 ünvanında fəaliyyət göstərən alkoqollu içkilərin və Xocalı küçəsi, ev 6 ünvanında fəaliyyət göstərən qida məshullarının satışı mağazalarında müəyyən edilib.

Bildirilib ki, hər iki mağazada içkilərin etiketində istehsalçı adı, ünvanı, VÖEN və s. barədə məlumatların qeyd edilmədiyi, müvafiq müşayiətedici sənədlərinin olmadığı aşkarlanıb.

Qeyd edilib ki, mağazalarda aşkarlanan "Настояшая", "Forest Line Organic", "Kapitan", "Organic Marka", "Native Nectar", "Qərbi Azərbaycan", "Brend Line" əmtəə nişanlı saxta alkoqollu içkilərin satışının qadağan olunması və dövriyyədən çıxarılması barədə qərar qəbul edilib.

Nümunələr götürülərək laborator müayinələrə cəlb olunub. Materialların hüquq-mühafizə orqanlarına göndərilməsi nəzərdə tutulub.

Qalereya

Oxşar xəbərlər

Nazirlikdən "Baku Electronics" MMC-yə məxsus mağazada YOXLAMA

Leyla Əliyeva Mingəçevirdə ekoloji aksiyalarda iştirak edib

20 su emalı müəssisəsində mikrobioloji çirklənmə aşkarlanıb

Leyla Əliyeva Mingəçevirdə şəhid ailəsini ziyarət edib, bir sıra sosial müəssisələrlə tanış olub

Silahlı Qüvvələrin bir qrup hərbi qulluqçu təltif edilib