"Novruz bayramı ərəfəsində Azərbaycanda turizmə maraq hər il artmaqdadır. Ən münasib qiymətli istirahət imkanları əsasən Şəki, Quba və Şabran bölgələrindədir".

Bunu BAKU.WS-ə açıqlamasında Turizm üzrə ekspert Rəhman Quliyev bildirib.

O əlavə edib ki, bu bölgələrdə daha çox butik tipli otellər və ailəvi istirahət məkanları fəaliyyət göstərir:

"Şimal bölgəsində, Quba və Qusar ətrafında yerləşən 4 ulduzlu otellərin qiymətləri gecəlik 100-150 manat arasında dəyişir. 5 ulduzlu otellərdə isə qiymətlər 150-250 manat civarındadır. Qiymətə iki nəfər üçün gecələmə, səhər yeməyi və otelin spa və əyləncə mərkəzindən istifadə daxildir.

Şəki, Qax və Zaqatala bölgələrində 4 ulduzlu otellərdə gecəlik qiymətlər 80-130 manat, 5 ulduzlu otellərdə isə 150-200 manatdır. Burada da iki nəfər üçün gecələmə, səhər yeməyi və əyləncə/spa xidmətləri qiymətə daxildir.

Cənub bölgəsində, Lənkəran və Lerik istiqamətində 4 ulduzlu otellərin qiymətləri 80-120 manat, 5 ulduzlu otellərdə isə 120-180 manat arasında dəyişir. Erkən rezervasiya edənlər üçün daha sərfəli seçimlər qalır. Bayrama yaxın tarixlərdə qiymətlər adətən yüksəlir".

Orxan Hüseyn

Oxşar xəbərlər

Palçıq Vulkanları Turizm Kompleksi – Azərbaycanın təbiət möcüzələrinə açılan yeni qapı

Qış turizm mövsümü öncəsi daxili turizm imkanları nümayiş etdirilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Bakının mərkəzində əyləncə məkanının fəaliyyəti dayandırıldı