Bu gün sosial mediada insanlar əsasən həyatlarının ən uğurlu və ən xoş, anlarını paylaşırlar. Nəticədə reallığı əks etdirməyən bir həyat modeli təqdim olunur. Bu isə insan psixologiyasına ciddi təsir göstərir.

Bu barədə psixoloq Əbdül Səlimli BAKU.WS-ə açıqlamasında bildirib. Mütəxəssisin fikrincə, müqayisə psixologiyamıza güclü təsir edir.

"Sosial mediada davamlı olaraq başqalarının uğurlarını, bədən quruluşunu, münasibətlərini, maddi imkanlarını görmək insanı qeyri-ixtiyari müqayisəyə aparır.

Bu hal isə "Mən yaxşı deyiləm" düşüncəsini formalaşdırır, öz dəyərə mənfi təsir edir və özgüvən itkisi yaradır.

Sosial mediada təqdim olunan həyat əksər hallarda reallığı əks etdirmir. Lakin insan şüuraltı bunu norma kimi qəbul edə bilər.

Təəsüf ki həyatdan məmnunluq azalır. Mövcud münasibətlər yetərsiz görünməyə başlayır. Daim "daha çox" istəyi formalaşır", - deyə mütəxəssis bildirib.

Əbdül Səlimlinin sözlərinə görə, sosial mediada uzun müddət vaxt keçirmək bir çox problemlərə səbəb olur:

"Narahatlıq səviyyəsini artırır, Depressiv düşüncələri gücləndirir və Tək qalmaq qorxusu yaradır.

Xüsusilə yeniyetmələr və gənclər daha həssas qrupdur. Sosial mediada gördüyümüz "mükəmməl ailə" və "ideal münasibət" obrazları real münasibətlərdə narazılıq yarada bilər.

Həyat yoldaşını başqası ilə müqayisə etmək. Real problemləri qəbul etməmək. Emosional uzaqlaşma və.s ailənin təməlini sarsır. Əsasən yeni evlənmiş cütlüklər daha çox təsirlənir.

Bu kimi təsirlərdən qorunmaq üçün sosial medianın reallıq olmadığını xatırlamaq, vaxt limiti qoymaq, öz həyatına fokuslanmaq, sahib olduğumuz həyatı gözəlləşdirməyə çalışmaq və rəqəmsal detoks etmək mübarizə metodlarıdır".

Ziya SƏCCAD

Oxşar xəbərlər

Həyatda yaxşı şeyləri niyə görmürük? - Tanınmış simaların FİKİRLƏRİ

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2