Səfir Belqradda Azərbaycanın sülh təşəbbüsündən danışıb: Ermənistanın son addım atması qalır
Azərbaycan və Ermənistan arasında yekun sülh sazişinin imzalanması ilə bağlı gözləntilər yüksəkdir.
"Report"un Balkan bürosu xəbər verir ki, bunu Azərbaycanın Serbiyadakı fövqəladə və səlahiyyətli səfiri Kamil Xasiyev Belqradda "Sülh, əməkdaşlıq və təhlükəsizlik perspektivləri: Vaşinqton sammitindən sonra Azərbaycan və Ermənistan" mövzusunda təşkil olunmuş dəyirmi masada sualları cavablandırarkən deyib.
"Ümid edirik ki, Ermənistan konstitusiyası ilə bağlı məsələ mümkün qədər tez həll olunacaq və nəhayət, iki ölkə arasında sülh sazişi imzalanacaq. Çünki artıq sülh sazişinin mətni üzərində razılığa gəlmişik və sənədi hər iki ölkənin xarici işlər nazirləri paraflayıb. İndi isə sadəcə olaraq Ermənistan tərəfinin son addımı atması qalır",-deyə diplomat əlavə edib.
Səfir hesab edir ki, sülh sazişinin suverenliyə, ərazi bütövlüyünə və sərhədlərin toxunulmazlığına qarşılıqlı hörmət prinsipləri əsasında qurulması həm Azərbaycan, həm də Ermənistan üçün son dərəcə vacibdir:
"Bu isə o deməkdir ki, bu məsələdə qeyri-müəyyən sənədlərin və ya hər hansı hüquqi boşluqların olmaması bizim üçün çox önəmlidir. Texniki baxımdan təsəvvür edək ki, Ermənistanda mövcud hökumət sülh müqaviləsini qəbul edir və onu imzalamağa hazırdır. Lakin sabah Ermənistanın Konstitusiya Məhkəməsi bu sülh sazişinin hüquqi qüvvəsini şübhə altına ala bilər, çünki Ermənistan Konstitusiyasında Azərbaycana qarşı ərazi iddiaları mövcuddur. Bu isə Ermənistanda bəzi siyasətçilər tərəfindən opportunist addımlar üçün imkanlar yarada bilər. Bu baxımdan hesab edirəm ki, Ermənistanın özü də Konstitusiyasından bu ərazi iddialarını çıxarmaqda maraqlı olmalıdır".
Oxşar xəbərlər
Arzu Əliyeva və Alena Əliyeva "Rənglərdə yaşanan 10 il" mövzusunda keçirilən sərgidə iştirak ediblər
Vətən müharibəsində Qələbənin beşinci ildönümünə həsr olunmuş Hərbi parad keçirilib
Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
Belqradda Azərbaycan və Ermənistan arasında sülh prosesi müzakirə olunub
Mərkəzi Bank tərəfindən media nümayəndələri üçün "Kapital bazarlarının əsasları" mövzusunda təlim keçirilib
Ən son xəbərləri bizim
"Facebook" səhifəmizdə izləyin
Digər xəbərlər
-
Livanda "Hizbullah"ın beş üzvü dövlət təhlükəsizliyinə təhdiddə ittiham olunub
-
XİN: Tbilisidə baş vermiş faciəvi partlayış xəbərindən dərin kədər hissi keçiririk
-
Əməkdar artist: Canlandırdığım obrazın daxili dünyasını daha dərindən anlamağa çalışdım
-
Qarakənd faciəsindən 35 il ötür
-
"DOST to DOST" layihəsi çərçivəsində könüllülərin İsmayıllıya infoturu təşkil olunub
-
ASCO-nun "Xocalı" gəmisi Çində texniki yoxlamadan keçdi, sertifikatları yeniləndi













