Müharibə fonunda neft bahalaşır - Azərbaycan üçün hansı nəticələr yarana bilər?
"İranda baş verən hərbi qarşıdurma təkcə regional təhlükəsizlik mühitinə deyil, eyni zamanda qlobal enerji bazarına da birbaşa təsir göstərir".
Bunu BAKU.WS-ə açıqlamasında Milli Məclisin Əmək və sosial siyasət komitəsinin üzvü Vüqar Bayramov bildirib.
Onun sözlərinə görə, artan gərginlik neftin hasilatı və ixrac marşrutları ilə bağlı riskləri yüksəldib ki, bu da artıq dünya bazar qiymətlərində özünü göstərməkdədir:
"Yeni həftəyə neft qiymətləri 6 faizdən çox artımla başlayıb və "Brent" markalı neftin bir barelinin qiyməti 80 dollar həddini keçib. Analitiklərin qiymətləndirməsinə görə, qarşıdurma davam edərsə və region daha geniş miqyas alarsa, qiymətlərin 80-90 dollar intervalında sabitləşməsi, hətta müəyyən ssenarilərdə 100 dollara qədər yüksəlməsi mümkündür.
Xüsusilə Hörmüz boğazında mümkün məhdudiyyətlər və ya yükdaşımada yaranacaq problemlər qiymət artımını sürətləndirə bilər. Çünki dünya neft tədarükünün əhəmiyyətli hissəsi məhz bu strateji marşrutdan keçir. Beynəlxalq maliyyə institutları və enerji bazarı üzrə aparıcı analitik mərkəzlər də qiymət dinamikasının əsasən nəqliyyat təhlükəsizliyi və müharibənin müddətindən asılı olacağını vurğulayırlar.
Azərbaycan isə neft ixrac edən ölkə kimi bu prosesdən birbaşa təsirlənir. Qlobal bazarda qiymətlərin artması ölkəyə daxil olan valyuta gəlirlərinin həcmini yüksəldə bilər. Bu isə qısamüddətli perspektivdə dövlət büdcəsi və tədiyə balansı üçün müsbət faktor sayılır.
Bununla belə, uzunmüddətli dövrdə müharibənin dərinləşməsi və enerji bazarındakı qeyri-müəyyənlik qlobal iqtisadi sabitliyə təsir göstərə bilər. Ona görə də proseslərin inkişaf trayektoriyası həm regional təhlükəsizlik, həm də enerji bazarının dayanıqlığı baxımından həlledici olacaq".
Orxan Hüseyn
Oxşar xəbərlər
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2
Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib
Əmək və Sosial Münasibətlər Akademiyasında COP29-a həsr edilən elmi nəşrin təqdimatı olub
Ən son xəbərləri bizim
"Facebook" səhifəmizdə izləyin
Digər xəbərlər
-
Azərbaycan BP ilə birgə enerji layihələrinin inkişafını müzakirə edib – Yenilənib
-
Almaniyada məlumat sızıntısına görə "Deutsche Bank" barəsində araşdırma başladılıb
-
Macarıstan Xorvatiya vasitəsilə neft tədarükünə dair danışıqlara başlayıb
-
General Natiq Əliyevin qızı ilə bağlı qərar verildi
-
AzTV-də yeni dövr başlayır: Televiziyada nələr dəyişəcək?
-
Böyük Britaniya Ukraynaya mindən çox uzaqmənzilli dron verəcək













