Naxçıvanın dron hücumuna məruz qalması dünya mediasının diqqət mərkəzində
"Bizdən nə danışırlar?" verilişinin yeni buraxılışı yayımlanıb.
Verilişdə bildirilib ki, İsveçin "Agenda Nexus" analitik platformasında bölgədə artan gərginlik fonunda Azərbaycanın təhlükəsizlik məsələlərinə həsr olunmuş məqalə dərc edilib.
Məqalədə qeyd olunur ki, İranın martın 5-də Naxçıvana etdiyi dron hücumları mülki infrastrukturu hədəf alıb. Bildirilir ki, Azərbaycan Prezidenti İlham Əliyev hücumları pisləyərək onları terror aktı adlandırıb və ölkəsinin öz ərazisinə və ya mülki əhaliyə qarşı hücumlara dözməyəcəyini vurğulayıb. Dövlət başçısı təqsirkarların məsuliyyətə cəlb edilməli olduğunu qeyd edib və Ordunun təhdidlərə qətiyyətlə cavab verməyə hazır olduğunu bildirib.
Məqalədə həmçinin vurğulanır ki, Prezident İlham Əliyev Azərbaycanın qonşu dövlətlərə qarşı hücum əməliyyatları aparmadığını bildirib. Müəlliflər qeyd edirlər ki, Azərbaycan son on ildə Silahlı Qüvvələrini əhəmiyyətli dərəcədə modernləşdirib. Müasir silah sistemləri, dronlar, Xüsusi Təyinatlı Qüvvələr və qabaqcıl kəşfiyyat imkanları ölkənin təhdidlərə operativ reaksiya verməsinə və sərhəd təhlükəsizliyini təmin etməsinə şərait yaradır.
Eyni zamanda Fransa hökuməti Naxçıvan Beynəlxalq Hava Limanına edilən dron hücumunu qətiyyətlə pisləyib.
Fransa Xarici İşlər Nazirliyinin saytında yayımlanan bəyanatda bildirilir ki, 2026-cı il martın 5-də səhər saatlarında Azərbaycanın Naxçıvan şəhərində yerləşən Naxçıvan Beynəlxalq Hava Limanı İran dronlarının hücumuna məruz qalıb. Hadisə nəticəsində dörd nəfərin yaralandığı qeyd olunur.
Rəsmi Paris baş vermiş hücumu ən sərt şəkildə pislədiyini bəyan edib, yaralanan şəxslərin tezliklə sağalmasını arzulayıb və bu hadisə qarşısında Azərbaycanla tam həmrəy olduğunu vurğulayıb. Bəyanatda qeyd olunub ki, Naxçıvan Beynəlxalq Hava Limanına qarşı həyata keçirilmiş dron hücumu Azərbaycanın suverenliyinin və beynəlxalq hüququn açıq şəkildə pozulmasıdır. Fransa tərəfi hücumu əsassız və qəbuledilməz addım kimi qiymətləndirərək regionda sabitliyin qorunmasının və beynəlxalq hüquqa hörmətin vacibliyini bir daha vurğulayıb.
Oxşar xəbərlər
İlham Əliyevin İranın Azərbaycana dron hücumuna dair mövqeyi dünya mediasının diqqət mərkəzindədir
Vətən müharibəsində Qələbənin beşinci ildönümünə həsr olunmuş Hərbi parad keçirilib
Müxtəlif ölkələrin rəsmiləri, qurumları və beynəlxalq təşkilatlar İranın Naxçıvana dron hücumunu pisləyib -YENİLƏNİB
Müxtəlif ölkələrin rəsmiləri, qurumları və beynəlxalq təşkilatlar İranın Naxçıvana dron hücumunu pisləyib
Müxtəlif ölkələrin rəsmi şəxsləri, qurumlar və beynəlxalq təşkilatlar İranın Naxçıvana dron hücumunu pisləyib
Ən son xəbərləri bizim
"Facebook" səhifəmizdə izləyin
Digər xəbərlər
-
Azərbaycan BP ilə birgə enerji layihələrinin inkişafını müzakirə edib – Yenilənib
-
Almaniyada məlumat sızıntısına görə "Deutsche Bank" barəsində araşdırma başladılıb
-
Macarıstan Xorvatiya vasitəsilə neft tədarükünə dair danışıqlara başlayıb
-
General Natiq Əliyevin qızı ilə bağlı qərar verildi
-
Azərbaycanda ağır qəza - Ölənlərin sayı artır: Həlak olan ata və azyaşlı qızının fotosu
-
AzTV-də yeni dövr başlayır: Televiziyada nələr dəyişəcək?













