Ağdam, Füzuli və Xocavənd rayonlarında Bərpa,Tikinti və İdarəetmə Xidməti 2025-ci il üzrə maliyyə hesabatlarının auditi üçün kotirovka sorğusu elan edib.

"Far.Az" xəbər verir ki, sorğuda iştirak haqqı 151 manatdır.

İddiaçılar təkliflərini aprelin 3-na qədər qurumun Ağdam şəhərində yerləşən ofisinə təqdim edə bilərlər.

Təkliflərə aprelin 3-də, saat 18:00-da qeyd olunan ünvanda baxılacaq.

Ötən il bu sorğunun qalibi "RSM Azerbaijan" MMC olub. Şirkətə 66 min manat ödənilib.

Xatırladaq ki, Ağdam, Füzuli və Xocavənd rayonlarında Bərpa, Tikinti və İdarəetmə Xidməti Prezident İlham Əliyevin 21 iyul 2022-ci il tarixli fərmanı ilə yaradılıb. Onun nizamnamə kapitalı 1 milyon manatdır. Xidmət adları çəkilən rayonlara əhalinin qayıdışı ilə əlaqədar çoxmənzilli binaların və fərdi yaşayış evlərinin tikintisinin təşkili, bu qaydada tikilmiş çoxmənzilli binaların idarə edilməsi, habelə müvafiq ərazidə abadlaşdırma, yaşıllaşdırma və mənzil-kommunal təsərrüfatı sahələrində fəaliyyət göstərən publik hüquqi şəxsdir.

Oxşar xəbərlər

Leyla Əliyevanın təşəbbüsü ilə uşaq evlərinin komandaları arasında növbəti minifutbol turniri təşkil olunub

Prezident İlham Əliyev Əfv Sərəncamı imzalayıb

İlham Əliyev Xocavənd şəhər və Xocavənd kənd sakinləri ilə görüşüb

İlham Əliyev Ağdamda 2-ci yaşayış kompleksinin açılışında iştirak edib

Xocalının Təzəbinə kəndində ailələrə evlərinin açarları təqdim olunub