Azərbaycan Dövlət Su Ehtiyatları Agentliyinin (ADSEA) İri Şəhərlərin Birləşmiş Su Təchizatı Xidməti və Tikilməkdə Olan Obyektlərin Müdiriyyəti Müşfiqabad hövzəsi üzrə gətirici kanalizasiya kollektoru və tullantı sular üçün sutəmizləyici qurğunun tikinti ərazisinə mediatur təşkil edib.

BAKU.WS xəbər verir ki, layihə Azərbaycan Prezidentinin imzaladığı Bakı şəhərində və Abşeron yarımadasında su təchizatı, yağış və tullantı suları sistemlərinin təkmilləşdirilməsinə dair 2026−2035-ci illər üçün Dövlət Proqramı çərçivəsində həyata keçirilir.

Media nümayəndələri Müşfiqabad hövzəsi üzrə gətirici kanalizasiya kollektorunun, şaxtaların, tullantı sular üçün sutəmizləyici qurğunun tikinti prosesi ilə yaxından tanış olub və mütəxəssislər onlara ətraflı məlumat veriblər.

Bildirilib ki, ümumi uzunluğu 18.9 kilometr olan Müşfiqabad hövzəsi üzrə gətirici kanalizasiya kollektorunun 15.2 kilometr hissəsi mikrotunel tipli, 3.7 kilometr hissəsi isə kanalizasiya kollektorudur. Bundan əlavə inşa olunacaq 22 şaxtanın 7-də artıq işlərə başlanılıb. Tikintisi həyata keçirilən tullantı sutəmizləyici qurğunun gündəlik məhsuldarlığı 75 min kubmetrdir.

Qalereya

Oxşar xəbərlər

İlham Əliyevin sədrliyi ilə Bakı və Abşeronda su təchizatına dair Dövlət Proqramına həsr olunan müşavirə keçirilib - YENİLƏNİB

Bakıda yeni kanalizasiya kollektorları və sutəmizləyici qurğularının tikintisinə başlanıb

Müşviqabad hövzəsində sutəmizləyici qurğu tikilir

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

Mərkəzi Bank tərəfindən media nümayəndələri üçün "Kapital bazarlarının əsasları" mövzusunda təlim keçirilib