Bu gün Dövlət Sərhəd Xidmətinin Xüsusi Məktəbinin V sinfinə qəbul imtahanı keçirilib.

Dövlət İmtahan Mərkəzindən (DİM) "Far.Az"a verilən məlumata görə, imtahanın keçirilməsi üçün 5 bina ayrılıb.

İmtahanın idarə olunmasına 14 imtahan rəhbəri, 5 ümumi imtahan rəhbəri, 120 nəzarətçi və 17 buraxılış rejimi əməkdaşı cəlb edilib.

Aprelin 6-dan etibarən DİM-də imtahan protokolları və cavab kartlarının emalı aparılacaq.

İmtahan nəticələri yaxın 2-3 gün ərzində elan olunacaq.

06:40

Dövlət İmtahan Mərkəzi (DİM) bu gün Dövlət Sərhəd Xidmətinin Xüsusi Məktəbinin V sinfinə qəbul imtahanı keçirəcək.

"Far.Az" xəbər DİM-ə istinadən xəbər verir ki, imtahan vermək üçün 1 292 şagird qeydiyyatdan keçib.

İmtahan Bakı şəhərində təşkil olunacaq və saat 11:00-da başlanacaq. Saat 10:45-dən sonra gələn şagirdlər imtahana buraxılmayacaqlar.

Şagirdlər imtahana aşağıda qeyd olunan sənədləri gәtirmәlidirlər:

- Şəxsiyyət vəsiqəsi (vəsiqədə şəkli olmayan şagirdlər oxuduqları təhsil müəssisəsi tərəfindən verilən arayışı (arayışa şagirdin 3x4 ölçülü şəkli yapışdırılır və şəkil möhürlə təsdiqlənir);

- İmtahana buraxılış vərəqəsi.

Sənədlərdən biri olmadıqda və ya sənədlər arasında uyğunsuzluq olduqda şagird imtahana buraxılmır.

Test imtahanı aşağıda qeyd edilən fənlər üzrə Azərbaycan dilində aparılır:

- Azərbaycan dili;

- Riyaziyyat.

Hər fənn üzrə şagirdlərə 30 qapalı tipli sual təqdim edilir. İmtahanın müddəti 90 dəqiqədir.

İmtahanın keçirilməsi üçün 5 bina ayrılıb. İmtahanın idarə olunmasına 14 imtahan rəhbəri, 5 ümumi imtahan rəhbəri, 120 nəzarətçi və 17 buraxılış rejimi əməkdaşı cəlb edilib.

Oxşar xəbərlər

Bu gün buraxılış imtahanı keçirilib, dörd nəfərdə mobil telefon aşkarlanıb - YENİLƏNİB

İlham Əliyev İmişlidə "Promalt" MMC-nin arpa emalı müəssisəsinin açılışını edib

Buraxılış imtahanında dörd nəfərdə mobil telefon aşkarlanıb

DSX-nin 270 hərbçisi mənzillə təmin olunub

Bu gün 51 mindən çox şagird ümumi orta təhsil üzrə buraxılış imtahanı verib