Azərbaycanda telekommunikasiya sahəsində məlumatların daha səmərəli şəkildə idarə edilməsi və infrastrukturun planlaşdırılması prosesinin təkmilləşdirilməsi üçün yeni rəqəmsal platformanın formalaşdırılması nəzərdə tutulub.

"Report"un əldə etdiyi məlumata görə, telekommunikasiya xidmət təchizatçılarının şəbəkə xətlərinə dair məlumatları vahid mərkəzdə cəmləyən telekommunikasiya infrastruktur məlumat bazasının - "Genişzolaqlı Xəritələndirmə" sisteminin və coğrafi informasiya platformasının qurulması planlaşdırılır.

Bu sistem sayəsində telekommunikasiya infrastrukturunun ətraflı xəritələndirilməsi həyata keçiriləcək, müvafiq məlumatların vahid strukturda toplanması və analiz edilməsi imkanı yaranacaq.

Layihənin 2026-ci ilin sonunadək Rəqəmsal İnkişaf və Nəqliyyat Nazirliyi, həmçinin onun tabeliyindəki İnformasiya Kommunikasiya Texnologiyaları Agentliyi tərəfindən icra olunması planlaşdırılır. Layihənin reallaşdırılması nəticəsində sektorda şəffaflığın gücləndirilməsi, mövcud resurslardan daha məhsuldar istifadə edilməsi və perspektiv infrastruktur layihələrinin planlaşdırılması prosesinin sadələşdirilməsi gözlənilir.

Oxşar xəbərlər

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

“Dövlət informasiya ehtiyatlarının və sistemlərinin Nümunəvi Əsasnaməsi” təsdiq edilib

DTA tabeliyindəki qoruq və müəssisələrdəki yeniliklər təqdim olunub

İlham Əliyevin sədrliyi ilə Bakı və Abşeronda su təchizatına dair Dövlət Proqramına həsr olunan müşavirə keçirilib - YENİLƏNİB

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2