Qışda palçığa, yayda isə toza çevrilən yol sakinlərin narazılığına səbəb olub.

Söhbət Bakının Nərimanov rayonu ərazisində yerləşən Rövşən Əliyev küçəsindəki yoldan gedir.

Far.Az AzTV-yə istinadən bildirir ki, sakinlərin sözlərinə görə, yolun vəziyyəti son dərəcə bərbaddır. Yağışlı havalarda küçə palçıq içində qalır, avtomobillər isə palçığa bataraq hərəkətdə çətinlik çəkir.

Onlar bildirirlər ki, artıq bir ildən çoxdur ərazi qazılıb və bu vəziyyətdə qalıb. Yağış yağanda sakinlər evlərinə getmək üçün palçığın içindən keçməli olurlar. Sürücülər isə tez-tez avtomobillərinin sıradan çıxdığını deyirlər.

Uzun müddətdir təmirə bağlanan yol nəqliyyatın hərəkətində də ciddi maneələr yaradır. Sakinləri narahat edən əsas sual isə yolun nə vaxt təmir olunaraq yenidən istifadəyə veriləcəyidir.

Məlumata görə, kommunal xətlərin yenilənməsi məqsədilə qazılan quyu Rövşən Əliyev küçəsi ilə Heydər Əliyev prospektini birləşdirən yolu tamamilə bağlayıb.

Məsələ ilə bağlı Azərbaycan Avtomobil Yolları Dövlət Agentliyindən bildirilib ki, təmir işləri yağıntılar səbəbindən müvəqqəti dayandırılıb. Qurumun açıqlamasına görə, yaxın günlərdə işlər bərpa olunacaq.

Qeyd olunub ki, həmin ərazi layihə çərçivəsində yeni yolun inşası sahəsinə daxildir və işlər təsdiq olunmuş qrafik üzrə dövlət proqramı çərçivəsində həyata keçirilir.

Oxşar xəbərlər

Palçıq Vulkanları Turizm Kompleksi – Azərbaycanın təbiət möcüzələrinə açılan yeni qapı

Həyatda yaxşı şeyləri niyə görmürük? - Tanınmış simaların FİKİRLƏRİ

İlham Əliyev Xocavənd şəhər və Xocavənd kənd sakinləri ilə görüşüb

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2