Hazırda 2026-cı ilin hesabat dövrü üzrə təqdim edilmiş cari vahid bəyannamələrin miqrasiya prosesi həyata keçirilir.

Far.Az xəbər verir ki, bu barədə sorğumuza Dövlət Vergi Xidmətindən bildirilib.

Qeyd olunub ki, bununla əlaqədar olaraq, bəzi hallarda elektron xidmətlərdən istifadədə qısamüddətli çətinliklər yarana bilər. Vergi ödəyiciləri dəqiqləşdirilmiş hesabatları miqrasiya prosesi başa çatdıqdan dərhal sonra təqdim edə biləcəklər.

Həyata keçirilən proses vergi sisteminin daha təkmil və dayanıqlı fəaliyyətinin təmin olunmasına yönəlib və qısa müddətdə tamamlanması nəzərdə tutulur.

Qurumdan bildirilib ki, yaranmış müvəqqəti narahatlığa görə vergi ödəyicilərindən anlayışla yanaşmaları xahiş olunur.

Şahanə Xankişiyeva

***16:15

Dövlət Vergi Xidmətinin elektron sistemində yaranan problemlə bağlı vətəndaşlar və vergi ödəyiciləri çətinliklə üzləşdiklərini bildirirlər.

Far.Az-in qaynar xəttinə daxil olan şikayətdə qeyd olunur ki, artıq 3 gündür sistemdə nasazlıq müşahidə edilir və bu səbəbdən hesabatların təqdim olunması mümkün olmur.

Şikayətçi iddia edir ki, yaranan texniki problem səbəbindən vergi hesabatlarını vaxtında təqdim edə bilmirlər və nəticədə cərimə riski ilə üzləşə bilərlər.

Eyni zamanda bildirilir ki, vergi xidmət mərkəzlərində sıxlıq yaranıb və çox sayda insan məsələ ilə bağlı müraciət etsə də, xidmət göstərilməsində çətinliklər yaşanır.

Şikayətdə həmçinin qeyd olunur ki, qurumun əlaqə nömrələri ilə də əlaqə saxlamaq mümkün olmur.

Şahanə Xankişiyeva

Oxşar xəbərlər

“Dövlət informasiya ehtiyatlarının və sistemlərinin Nümunəvi Əsasnaməsi” təsdiq edilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Zaur Mikayılov: "Dövlət Proqramının real nəticələrini insanlar 2029-cu ildən hiss edəcəklər" - MÜSAHİBƏ

İlham Əliyevin sədrliyi ilə Bakı və Abşeronda su təchizatına dair Dövlət Proqramına həsr olunan müşavirə keçirilib - YENİLƏNİB