Bu ilin I rübündə Səngəçal terminalından 47 milyon barel neft və kondensat ixrac edilib.

"Far.Az" "BP-Azerbaijan" şirkətinə istinadən xəbər verir ki, bu, ötən ilin eyni dövrü ilə müqayisədə 10,1 % azdır.

"2026-cı ilin yanvar-mart aylarında "Azəri-Çıraq-Günəşli" (AÇG) və "Şahdəniz" yataqlarından neft və qazın sualtı boru kəmərləri vasitəsilə Səngəçal terminalına göndərilməsi davam edib. Rüb ərzində terminaldan ixrac edilmiş neft və kondensatın hamısı Bakı-Tbilisi-Ceyhan əsas ixrac boru kəməri ilə nəql edilib", - məlumatda qeyd olunub.

Rüb ərzində terminaldan həmçinin gündəlik orta hesabla təxminən 74,4 milyon standart kubmetr "Şahdəniz" qazı (2025-ci ilin yanvar-mart aylarına nisbətən 1,5 % çox) göndərilib.

Terminalın texniki emal sistemlərinin gündəlik gücü hazırda 1,2 milyon barel neft və kondensat, "Şahdəniz" qazı üçün təqribən 81 milyon standart kubmetrdir. Ümumi qaz emalı və ixracı gücü isə (AÇG səmt qazı da daxil olmaqla) gündəlik təqribən 100 milyon standart kubmetrdir.

Oxşar xəbərlər

30 illiyini qeyd edən Azərbaycan enerjisinin ötən ilinə baxış

İlham Əliyev İmişlidə "Promalt" MMC-nin arpa emalı müəssisəsinin açılışını edib

SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib

İlham Əliyevin sədrliyi ilə Bakı və Abşeronda su təchizatına dair Dövlət Proqramına həsr olunan müşavirə keçirilib - YENİLƏNİB

DYMX Neft Emalı Zavodunda yanğın-taktiki təlim keçirib