İranda peyk texnologiyaları sahəsində çalışan alim xarici kəşfiyyat orqanları ilə əməkdaşlıq ittihamı ilə edam olunub.

BAKU.WS xəbər verir ki, Islamic Revolutionary Guard Corps tərəfindən yayılan açıqlamada alim İrfan Şakurzadənin ABŞ Mərkəzi Kəşfiyyat İdarəsi və İsrailin Mossad xidməti ilə əlaqədə olmaqda günahlandırıldığı bildirilib.

İddialara əsasən, o, İranın peyk texnologiyası sahəsində fəaliyyət göstərən elmi qurumlarından birində işləyib və xidməti fəaliyyəti ilə bağlı bəzi məxfi məlumatları xarici tərəflərə ötürüb.

SEPAH-ın açıqlamasında qeyd olunub ki, Şakurzadə ilkin mərhələdə "Mossad"la əməkdaşlıq üçün elektron formada müraciət edib və daha sonra elektron poçt vasitəsilə məlumat mübadiləsi aparıb.

Bildirilir ki, ötürülən məlumatlar arasında şəxsi məlumatlar, iş yeri, vəzifəsi və informasiyaya çıxış imkanları ilə bağlı detallar da olub.

İran rəsmiləri hadisə ilə bağlı əlavə məlumat açıqlamayıblar.

Oxşar xəbərlər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

“Dövlət informasiya ehtiyatlarının və sistemlərinin Nümunəvi Əsasnaməsi” təsdiq edilib

Əmək və Sosial Münasibətlər Akademiyasında COP29-a həsr edilən elmi nəşrin təqdimatı olub

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN