İran Bakıda Ümumdünya Şəhərsalma Forumunun 13-cü sessiyası (WUF13) çərçivəsində mənzil tikintisi sahəsində beynəlxalq təcrübəni öyrənmək və şəhər böhranlarının idarə edilməsi sahəsindəki öz təcrübəsini bölüşmək niyyətindədir.

Bu barədə "Report"a Tehran (İran) bələdiyyəsi sədrinin beynəlxalq əlaqələr üzrə müavini Məhəmməd Əli Şəfi bildirib.

"Məqsədimiz mənzil sahəsində digər şəhər və dövlətlərin təcrübələri ilə tanış olmaq, həmçinin qeyri-rəsmi mənzil və şəhər ərazilərinin inkişafı ilə bağlı öz yanaşmalarımızı nümayiş etdirməkdir. Biz Bakıda və regionda keçirilən tədbirlərdə iştirak edən digər şəhər və dövlətlərlə toplanmış təcrübəni mübadilə etməyə çalışırıq", - o deyib.

Şəfi həmçinin qeyd edib ki, İran mürəkkəb şəraitdə böhranların və fövqəladə halların idarə edilməsi sahəsində əhəmiyyətli təcrübəyə malikdir və bu bilikləri regionun digər şəhərlərinə ötürməyə hazırdır.

Oxşar xəbərlər

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

Media nümayəndələri üçün WUF13 haqqında məlumatlandırma sessiyası keçirilib

Qırğızıstan həmkarlar ittifaqlarının nümayəndələri Azərbaycan təcrübəsini öyrənmək üçün AHİK-də olublar

İlham Əliyevin XIII Qlobal Bakı Forumunun açılış mərasimindəki çıxışının TAM MƏTNİ

Növbəti köç karvanları Ağdam və Xocavənd şəhərlərinə çatıb, açarlar təqdim edilib