"Qarabağın iqtisadi potensialı böyükdür, Şuşa şəhəri isə birbaşa turizmə bağlıdır. Təklif edilən həllər turizm infrastrukturunun yaradılmasıdır. Otellərin tikintisi davam edir. Hazırda Şuşada 600-ə yaxın qonaqlama var, bunun 3000-4000 qonaqlamaya çatdırılması planlaşdırılır".

Far.Az xəbər verir ki, bu fikirləri Azərbaycan Prezidentinin Şuşa rayonunda xüsusi nümayəndəsi Aydın Kərimov World Urban Forum 13 çərçivəsində keçirilən "Postmünaqişə dövründə şəhərsalma planlaması: itirilmiş kimliyin bərpası və inteqrasiya olunmuş gələcəyin qurulması" adlı tədbirdə səsləndirib.

O qeyd edib ki, bu layihələr özəl investisiyalar hesabına reallaşdırılır. Aydın Kərimov çıxışı zamanı Şuşa ilə Xankəndi arasında kanat yolunun çəkiləcəyini də vurğulayıb:

"Şuşada xüsusi və yeni sanatoriya kompleksi yaradılacaq. Biz Şuşanı turizm paytaxtına çevirmək fikrindəyik. Gələn il Şuşa ilə Xankəndini birləşdirəcək kanat layihəsi nəzərdə tutulur. Bu 12 dəqiqəlik yol olacaq və hər iki şəhərin turizm potensialına yaxşı təsir edəcək".

Oxşar xəbərlər

Həyatda yaxşı şeyləri niyə görmürük? - Tanınmış simaların FİKİRLƏRİ

Prezident İlham Əliyev Xankəndi şəhərində Zəfər parkının açılışında iştirak edib

Bakıda WUF13-ün açılış mərasimi keçirilir, Prezident İlham Əliyev tədbirdə çıxış edib

Horadiz–Cəbrayıl–Zəngilan–Ağbənd yolunun tikintisi 95 % icra olunub

SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib