Konqo Demokratik Respublikasında (KDR) balina ovlayan qayığın qayaya çırpılması nəticəsində ən azı 11 nəfər ölüb, 47-si xilas olub və itkin düşənlər var.

"Report" xəbər verir ki, bu barədə "Actualite" portalı yerli hakimiyyət orqanlarına istinadən məlumat yayıb.

"Baqata şəhərində Kvilu və İnziya çaylarının birləşdiyi yerdə, Masi Manimbadan gələn balina ovlayan qayıq qayaya çırpılaraq tamamilə batıb. Ölənlər arasında 10 yaşdan kiçik üç uşaq da var idi", - deyə açıqlamada qeyd olunub.

Qayıqda olan sərnişinlərin dəqiq sayı hələ də məlum deyil. Lakin yerli millət vəkili Harri Sakatanın sözlərinə görə, göyərtədə təxminən 150 nəfər olub.

Faciədən bir gün sonra cəsədlərin axtarışı hələ də başlamayıb. Əsas maneə, xüsusən də batmış gəminin qaldırılması və axtarış əməliyyatlarının aparılması üçün maddi-texniki resursların olmamasıdır.

Oxşar xəbərlər

Lökbatandakı yanğına helikopterlər indiyədək 150 ton su töküb - YENİLƏNİB-4

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Bakıda obyektdə güclü PARTLAYIŞ - 7 nəfər xilas edilib, yaralılar var

I Qarabağ müharibəsinin daha üç itkin-şəhidi dəfn olunub