Almaniya kansleri Olaf Şolts rəsmi Berlinin Ukraynaya dəstəyi azaltmaq niyyətində olduğuna dair məlumatları təkzib edib.

APA “UNİAN”a istinadən xəbər verir ki, kansler bu barədə alman televiziyasında çıxışı zamanı danışıb.

Bildirib ki, Almaniyanın Ukraynaya kömək etmək vədlərini heç nə poza bilməz.

Bundan əlavə, o, ölkəsinin Kiyevə hərbi yardımı azaltmaq niyyətində olduğu ilə bağlı məlumatlara təəccübləndiyini deyib.

Şolts gələn il Almaniya hökumətinin Ukraynaya hərbi dəstək məqsədilə 4 milyard avro ayırmağı planlaşdırdığını açıqlayıb.

Kansler qeyd edib ki, bu məbləğ digər Avropa ölkələrinin ayırdığı məbləğdən çoxdur.

Bundan əlavə, Şolts xatırladıb ki, G7 ölkələrinin qərarına əsasən, Ukrayna 50 milyard avro kredit alacaq. Bu məbləğin faizləri isə Rusiyanın aktivlərindən əldə edilən gəlirdən maliyyələşdiriləcək.

Almaniya hökümətin rəhbəri deyib ki, bu pulla Kiyev silah ala biləcək.

Qeyd edək ki, bir müddət öncə “Frankfurter Allgemeine Zeitung” qəzeti Almaniyanın Ukraynaya hərbi yardım üçün xərcləri kəskin şəkildə azaltdığına dair məlumat yayıb.

İddialara görə, Berlin artıq Ukraynada zədələnmiş alman avadanlıqlarının təmiri üçün ödənişləri dayandırıb.

Oxşar xəbərlər

Şolts Harrisin çox yaxşı prezident olacağını bildirib

Paşinyanın Ermənistana töhfəsi - işsizlik pik həddə çatıb - ŞƏRH

Putinin Bakıya səfəri: Nə Qərb, nə Rusiya - Azərbaycan üçün əsas öz maraqlarıdır - TƏHLİL

Tramp ölkənin dövlət borcunu azaldacağına söz verib

ADY Rusiya Nəqliyyat Universitetində təhsil alacaq tələbələrə təqaüd ayırıb