Rusiya Silahlı Qüvvələrinin Kiyevə və Dneprə endirdiyi gecə zərbələri nəticəsində həlak olanların sayı 18-ə çatıb.

"Far.Az" Ukrayna mediasına istinadən xəbər verir.

Paytaxt meri Vitali Kliçkonun son məlumatına görə, Kiyevdə Rusiya xüsusi xidmət orqanlarının genişmiqyaslı gecə hücumu nəticəsində 6 nəfər ölüb.

"Hücum nəticəsində Kiyevdə 66 nəfər xəsarət alıb, 6 nəfər həlak olub", - V.Kliçko "Telegram" səhifəsində yazıb.

Dnepropetrovsk Vilayət Hərbi Administrasiyasının rəhbəri Aleksandr Qanja bildirib ki, Rusiyanın zərbəsi nəticəsində həlak olanların sayı 12-yə çatıb: "Dneprə hücum nəticəsində həlak olanların sayı 12-yə çatıb".

10:59

Rusiya Silahlı Qüvvələrinin Kiyevə endirdiyi gecə zərbələri nəticəsində ölənlərin sayı 4-ə çatıb, 63 nəfər isə xəsarət alıb.

"Far.Az" xəbər verir ki, bu barədə Kiyev Şəhər Hərbi Administrasiyasının rəhbəri Timur Tkaçenko teleqram kanalında bildirib.

"Yaralılar arasında 3 uşaq var. Təəssüf ki, 4 nəfər həlak olub", - o yazıb.

Daha əvvəl ötən gecə Rusiyanın Ukraynanın Dnepropetrovsk vilayətinə endirdiyi zərbələr nəticəsində 6 nəfərin öldüyü və 36 nəfərin xəsarət aldığı barədə məlumat verilmişdi.

10:04

Rusiyanın Kiyev və Dneprə (Ukrayna) endirdiyi zərbələr nəticəsində 9 nəfər həlak olub, daha 71 nəfər yaralanıb.

"Far.Az" Ukrayna mediasına istinadən xəbər verir ki, bu barədə yerli hakimiyyət orqanları məlumat yayıb.

Kiyev şəhər hərbi administrasiyasının məlumatına görə, iyunun 2-də Kiyevə edilən hücum nəticəsində 3 nəfər həlak olub, daha 35 nəfər, o cümlədən 3 uşaq xəsarət alıb.

Öz növbəsində, Dnepropetrovsk Vilayət Hərbi Administrasiyasının rəhbəri Aleksandr Qanja Rusiyanın Dneprə endirdiyi zərbələr nəticəsində 6 nəfərin həlak olduğunu, daha 36 nəfərin yaralandığını bildirib.

Oxşar xəbərlər

Kiyevə raket hücumu zamanı Azərbaycanın Ukraynadakı səfirliyinə ciddi ziyan dəyib

Bakıda obyektdə güclü PARTLAYIŞ - 7 nəfər xilas edilib, yaralılar var

Leyla Əliyevanın təşəbbüsü ilə uşaq evlərinin komandaları arasında növbəti minifutbol turniri təşkil olunub

Heydər Əliyev Fondu Lənkəran uşaq evini əsaslı yenidənqurmadan sonra istifadəyə verib

Rusiyanın Kiyevə zərbələri nəticəsində ölənlərin və yaralıların sayı artıb - YENİLƏNİB-4