Ramil Həsən: BMT TŞ-də təmsilçilik Qırğızıstanın sülh istiqamətində rolunu daha da artıracaq
Far.Az xəbər saytı

Ramil Həsən: BMT TŞ-də təmsilçilik Qırğızıstanın sülh istiqamətində rolunu daha da artıracaq


TÜRKPA Baş katibi Ramil Həsən Qırğızıstanı ilk dəfə Birləşmiş Millətlər Təşkilatının Təhlükəsizlik Şurasının qeyri-daimi üzvü seçilməsi münasibətilə təbrik edib.

"Report"un məlumatına görə, təbrikdə qeyd edilib ki, BMT Təhlükəsizlik Şurasında təmsilçilik Qırğızıstanın beynəlxalq sülh və təhlükəsizliyin möhkəmləndirilməsi istiqamətində rolunu daha da artıracaq.

O bildirib ki, Qırğızıstanın qeyri-daimi üzv seçilməsi həmçinin Şuranın fəaliyyətinə mühüm töhfələr verəcək.

"Bu mühüm nailiyyət beynəlxalq ictimaiyyətin Qırğızıstanın çoxtərəfli diplomatiyaya, beynəlxalq hüququn prinsiplərinə, sülhün, təhlükəsizliyin və davamlı inkişafın təşviqinə verdiyi töhfələrə yüksək etimadının bariz təzahürüdür. TÜRKPA olaraq bu əlamətdar hadisənin qardaş Qırğız xalqının rifahına və ölkənin beynəlxalq nüfuzunun daha da yüksəldilməsinə xidmət edəcəyinə inanır, Türk dövlətlərinin Qırğız Respublikasına davamlı dəstəyini bir daha təsdiq edirik", - deyə o qeyd edib.

Oxşar xəbərlər

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib
Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib
İlham Əliyev Vaşinqtonda Sülh Şurasının ilk iclasında iştirak edib
Azərbaycanın Təbrizdəki konsulu Ramil İmranov Göyçayda dəfn olunub
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Ən son xəbərləri bizim

"Facebook" səhifəmizdə izləyin

Digər xəbərlər