Ümumdünya Səhiyyə Təşkilatı (ÜST) Misiri malyariyadan azad ölkə kimi təsdiqləyib.

"Far.Az" xəbər verir ki, bu barədə ÜST-nin Cenevrədəki mənzil-qərargahı məlumat yayıb.

ÜST-nin baş direktoru Tedros Adhanom Qebreyesus bəyan edib ki, Misirin malyariyadan azad ölkə kimi tanınması 100 milyondan çox əhalisi olan bir dövlət üçün ictimai sağlamlıq baxımından mühüm mərhələdir.

"Malariya Misir sivilizasiyasının özü qədər qədimdir, lakin fironların başına gələn xəstəlik indi onun gələcəyinə deyil, tarixinə aiddir", - baş direktor deyib.

Qeyd edilir ki, Misir Birləşmiş Ərəb Əmirlikləri və Mərakeşdən sonra ÜST-nin Şərqi Aralıq dənizi regionunda “malyariyadan azad” sertifikatına sahib üçüncü ölkə, 2010-cu ildən isə ilk ölkə olub.

“Qlobal miqyasda ümumilikdə 44 ölkə bu mərhələyə çatıb”, - ÜST-dən bildirilib.

ÜST-ün “malyariyadan azad” ölkə sertifikatını almaq istəyən ölkə ən azı üç il ardıcıl olaraq ərazisində yerli ötürülmə zəncirlərinin rast gəlinmədiyinə dair təkzibolunmaz sübutlar təqdim etməlidir.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2

VII çağırış Milli Məclisin ilk iclası keçirilib, Prezident İlham Əliyev toplantıda iştirak edib və nitq söyləyib - YENİLƏNİB-3

XİN başçısı BMT BA-nın 79-cu sessiyasında çıxış edib - YENİLƏNİB

İqtisadi inkişafda davamlı artan rəqabətli iqtisadiyyatın rolu - ANALİZ