Azərbaycanın müxtəlif bölgələri üzrə ümumi təhsil məktəblərinin peşə təmayüllü siniflərində monitorinqlərin keçirilməsinə başlanılıb.

"Report" xəbər verir ki, bu barədə Təhsil İnstitutu məlumat yayıb.

Bildirilib ki, monitorinqlər oktyabrın 7-dən Təhsil İnstitutunun “Peşə və ömürboyu təhsilin proqramları” şöbəsinin təşkilatçılığı ilə respublikanın müxtəlif bölgələri üzrə ümumi təhsil məktəblərində təşkil olunan peşə təmayüllü siniflərdə keçirilir. Ümumilikdə 200 peşə təmayüllü siniflərdə monitorinqin keçirilməsi nəzərdə tutulub.

Qeyd edilib ki, monitorinq peşə təmayüllü siniflərdə infrastrukturun vəziyyəti, maddi-texniki bazanın yararlılığının müəyyənləşdirilməsi, tədris prosesinin səmərəliliyi, şagird səriştələrinin inkişafı, proqnozların və inkişaf perspektivlərinin müəyyən edilməsi məqsədilə hazırlanmış fəaliyyət indikatorları əsasında peşəkar monitorinq mütəxəssisləri tərəfindən həyata keçirilir.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Hava gəmilərinin və onların komponentlərinin uçuşa yararlılığının saxlanılması qaydası təsdiqlənib

“Dövlət informasiya ehtiyatlarının və sistemlərinin Nümunəvi Əsasnaməsi” təsdiq edilib

Bakıda 6 məktəb əsaslı təmirlə bağlı köçürülüb

Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2