Alimlər müəyyən ediblər ki, şəkərin qidadan mütləq şəkildə çıxarılması bağırsaqların sağlamlığına və metabolizmə mənfi təsir göstərə, həmçinin qanda qlükoza səviyyəsinin tənzimlənməsinin pisləşməsinə səbəb ola bilər.

"Report" xəbər verir ki, tədqiqatın nəticələri "ScienceDaily" jurnalında dərc olunub.

"Küveytdə yerləşən Dasman Diabet İnstitutunun elmi qrupu siçanların yağı azaldılmış və şəkərin ən geniş yayılmış formalarından biri olan saxarozanın tamamilə olmadığı qida ilə bəslənməsinin nəticələrini araşdırıb. Eksperiment çərçivəsində bu heyvanlar nəzarət qrupu ilə müqayisə edilib", - materialda qeyd olunur.

Bədən kütləsinin eyni olmasına baxmayaraq, eksperimental qrupdakı gəmiricilərdə qlükoza səviyyəsinin tənzimlənməsində pozuntular, insulinə həssaslığın azalması, bağırsaq mikrobiotasının tərkibində dəyişikliklər, həmçinin bağırsaq və qaraciyərdə iltihab prosesləri aşkar edilib. Bundan əlavə, alimlər qaraciyərin piy xəstəliyinin yaranması ilə əlaqədar patoloji dəyişikliklər qeydə alıblar.

Elmi işin müəllifləri belə qənaətə gəliblər ki, az yağlı pəhrizə riayət etdikdə saxarozanın tamamilə xaric edilməsi metabolik prosesləri qeyri-sabitləşdirə və bağırsaq mikroflorasının balansını poza bilər. Mütəxəssislər vurğulayırlar ki, sağlamlığı qorumaq üçün şəkərdən tamamilə imtina etməkdənsə, karbohidratların balanslaşdırılmış istehlakına riayət etmək daha vacibdir.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Həyatda yaxşı şeyləri niyə görmürük? - Tanınmış simaların FİKİRLƏRİ