Qazaxıstan yanacaq qıtlığının qarşısını almaq üçün sərhəd nəzarətini gücləndirir
Qazaxıstanın Baş naziri Oljas Bektenov sərhədlərdə nəzarəti gücləndirməyi və ölkədə yanacaq qıtlığına yol verməmək üçün bütün tədbirləri görməyi tapşırıb.
"Far.Az" Qazaxıstan hökumətinin mətbuat xidmətinə istinadən xəbər verir ki, O.Bektenov bu tapşırığı neft məhsulları bazarındakı cari vəziyyətlə bağlı keçirilən müşavirədə müvafiq nazirliklərin və hüquq-mühafizə orqanlarının rəhbərlərinə verib.
"Hazırda Qazaxıstanın neft emalı zavodları daxili bazarın ehtiyaclarını təmin edərək normal rejimdə işləyir. Ölkədə benzin, dizel və aviasiya yanacağı ehtiyatları 1 milyon tonu ötür. Bu da istehlakçıların cari tələbatını tam ödəməyə imkan verir. İlk növbədə, yanacaqdoldurma məntəqələri, kənd təsərrüfatı məhsulları istehsalçıları, həmçinin yerli aviadaşıyıcılar neft məhsulları ilə təmin edilir. Yanacaq-sürtkü materiallarının qıtlığı müşahidə olunmur. Yanacaq-sürtkü materiallarının istehsalı, yüklənməsi və ehtiyatlarının monitorinqi daimi əsasda həyata keçirilir", - məlumatda qeyd olunub.
Bununla əlaqədar müşavirədə əsas diqqət neft məhsullarının qanunsuz şəkildə daşınmasının qarşısının alınması üzə tədbirlərə yönəldilib.
Hazırda Energetika Nazirliyinin ayrı-ayrı neft məhsullarının Qazaxıstanın hüdudlarından kənara çıxarılmasının qadağan edilməsi barədə əmri qüvvədədir, nəqliyyat vasitələrinin dövlət sərhədini keçməsinə dair bir sıra məhdudiyyətlər tətbiq edilib.
O.Bektanov müşavirədə vurğulayıb ki, daxili neft məhsulları bazarının sabitliyinin təmin edilməsi strateji əhəmiyyət kəsb edir.
Müşavirənin yekunlarına əsasən, sərhədlərdə nəzarəti gücləndirmək, yanacaq qıtlığına yol verməmək və ölkənin ehtiyaclarını təmin etmək üçün bütün tədbirləri görmək tapşırığı verilib.
Milli Təhlükəsizlik Komitəsinin Sərhəd Xidməti Maliyyə Nazirliyi və Maliyyə Monitorinqi Agentliyi ilə birlikdə dövlət sərhədində nəzarəti gücləndirmək, neft məhsullarının qanunsuz yerdəyişməsi üzrə bütün sxemlərin aşkar edilməsini və qarşısının alınmasını təmin etməlidir.
Energetika Nazirliyinə isə neft məhsullarının istehsal, ehtiyat və istehlak balansının daimi monitorinqini təmin etmək və zərurət yarandıqda dərhal əlavə tədbirlərin görülməsi barədə təkliflər irəli sürmək kimi bir sıra tapşırıqlar verilib.
Oxşar xəbərlər
Azərbaycandan Ermənistana 4 500 tona yaxın dizel yanacağı Güzdəkdən yola salınır
Prezident İlham Əliyevin sədrliyi ilə kənd təsərrüfatı məsələlərinə həsr olunmuş müşavirə keçirilib
Prezident İlham Əliyev Milli Aviasiya Akademiyasında Beynəlxalq Təlim Mərkəzinin açılışında iştirak edib
Azərbaycandan Ermənistana dizel yanacağı göndərilib
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN
Ən son xəbərləri bizim
"Facebook" səhifəmizdə izləyin
Digər xəbərlər
-
Ohayo ştatında baş verən atışmada bir neçə nəfər yaralanıb
-
Hindistanda saxta spirtli içkiyə görə mindən çox şəxs xəstəxanaya yerləşdirilib - Yenilənib
-
Türkiyədə baş verən zəncirvari qəzada bir nəfər ölüb, 10 nəfər xəsarət alıb
-
"Real Madrid" səfərdə "Selta" üzərində qələbə qazanıb
-
Virciniyada yarım əsrdən sonra ilk dəfə qızılca xəstəliyindən bir uşaq ölüb
-
WSJ: ABŞ-nin daxili təhlükəsizlik nazirinə müsahibə vermək qadağan edilib













