İndira Hacıyeva: Qarabağ və Şərqi Zəngəzurda yenidənqurma etimadın və imkanların bərpasıdır
Far.Az xəbər saytı

İndira Hacıyeva: Qarabağ və Şərqi Zəngəzurda yenidənqurma etimadın və imkanların bərpasıdır


Bu gün Azərbaycan postmünaqişə dövründə 9 yeni şəhər və yüzlərlə yaşayış məntəqəsi inşa edir.

"Report" xəbər verir ki, bunu gənclər və idman nazirinin müavini İndira Hacıyeva Azərbaycanın Asiyada Qarşılıqlı Fəaliyyət və Etimad Tədbirləri üzrə Müşavirənin (AQEM) 2024-2026-cı illər üzrə sədrliyi çərçivəsində AQEM Gənclər Şurasının 9-cu iclasında çıxışı zamanı deyib.

Onun sözlərinə görə, Qarabağ və Şərqi Zəngəzurda sadəcə dağıdılmış ərazilər bərpa edilmir:

"Yenidənqurma yalnız yolların və binaların tikilməsi demək deyil. Bu, etimadın, imkanların və gündəlik həyatın yenidən qurulması deməkdir. Biz inanırıq ki, hər bir icma təkcə bərpa olunmağa deyil, həm də inkişaf etməyə layiqdir".

Nazir müavini deyib ki, Azərbaycan yaşıl enerji, rəqəmsal innovasiyalar və insan mərkəzli şəhərsalma vasitəsilə insanların necə yaşayacağını, işləyəcəyini, təhsil alacağını və inkişaf edəcəyini yenidən təsəvvür edir:

"Hazırda təxminən 85 min insan bu yenilənmiş ərazilərdə yaşayır, işləyir və təhsil alır. Biz inanırıq ki, şəhərlər sağlam, əlçatan və bir-biri ilə bağlı olmalıdır. Məhz buna görə də "Sağlam Məhəllə", "İdman Səhərləri" və Fit Track kimi layihələr sağlam həyat tərzini və ictimai fəallığı gənclərə daha da yaxınlaşdırır".

Oxşar xəbərlər

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3
Prezident İlham Əliyev Bakı Enerji Həftəsinin rəsmi açılış mərasimində iştirak edib
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN
Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Ən son xəbərləri bizim

"Facebook" səhifəmizdə izləyin

Digər xəbərlər