Kiyevdə Ukrayna Azərbaycanlıları Birləşmiş Diasporunun (UABD) təşkilatçılığı 4 iyul - Polis Günü münasibətilə Ukrayna Milli Polisində işləyən bir qrup azərbaycanlı ilə görüş keçirilib, mükafatlar təqdim olunub.

"Far.Az"un Şərqi Avropa bürosunun məlumatına görə, görüşdə Azərbaycanın Ukraynadakı səfirliyinin əməkdaşları, diaspor nümayəndələri iştirak ediblər.

UABD-nin sədri müavini Elşad İbrahimov bildirib ki, hazırda müharibə şəraitində olan Ukraynada polis və digər hüquq-mühafizə orqanlarında çalışan azərbaycanlıların fəaliyyəti iki qat diqqətə layiqdir:

"Bu görüş bundan sonra ənənə halını alacaq. Ukrayna hüquq-mühafizə orqanlarında və digər strukturlarda çalışan azərbaycanlıların tarixi vətənləri Azərbaycana bağlılığı, azərbaycanlıların bu ölkədəki birliyi istiqamətində mühüm addım olacaq".

Elşad İbrahimov əlavə edib ki, bu görüşlər müntəzəm olaraq bölgələrdə işləyən azərbaycanlı polis və digər dövlət qulluqçularının xidməti yerlərində də davam etdiriləcək.

Professor Fərhad Turan və digərləri də çıxış edərək azərbaycanlı polislərə uğurlar arzulayıblar, peşə bayramlarını təbrik ediblər.

Daha sonra azərbaycanlı polislər Zeynal Nəsirov, Fərhad Niyazov, Aqil Namazaov, Ali Zeynalov, Tural Əmiraslanov və Eşqin Tanrıverdiyev UABD tərəfindən mükafatlara layiq görülüblər. Xidməti və məsafə səbəbindən tədbirə qatıla bilməyən digər azərbaycanlı polislərə də təbriklər ünvanlanıb və mükafatlar göndərilib.

Oxşar xəbərlər

SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib

Leyla Əliyeva "Mənzərəyə açılan ev" mövzusunda qrup sərgisində iştirak edib

20 Sentyabr - Neftçilər Günü münasibətilə tədbir keçirilib

Kiyevə raket hücumu zamanı Azərbaycanın Ukraynadakı səfirliyinə ciddi ziyan dəyib

Mehriban Əliyeva Azərbaycanın Müqəddəs Taxt-Tacdakı səfirliyinin inzibati ofisinin açılışında iştirak edib