Güclü süni intellekt (Sİ) sistemlərinin hazırlanması bəşəriyyətin yox olmasına səbəb ola bilər.

"Report" "The Times" nəşrinə istinadən xəbər verir ki, bunu britaniyalı-kanadalı alim və fizika üzrə Nobel mükafatı laureatı Ceffri Hinton bildirib.

O, superintellektin təhlükəsiz yaradılması və nəzarətli istifadəsinin mümkünlüyü ilə bağlı elmi razılıq əldə olunana qədər onun hazırlanmasını təxirə salmağa çağırıb.

"Onun təhlükəsiz şəkildə hazırlanması və nəzarət altında istifadəsi imkanlarına dair elmi konsensusun olmadığı bir şəraitdə hazırda superintellektin hazırlanması son dərəcə ağılsızlıq olardı", - alim deyib.

Hintonun sözlərinə görə, intellektinə görə insanı üstələyən Sİ üzərində nəzarətin itirilməsi fəlakətli nəticələrə səbəb ola və hətta bəşəriyyətin yox olmasına gətirib çıxara bilər.

Hinton bu xəbərdarlıqla ölkədə superintellektin yaradılmasının qadağan edilməsini nəzərdə tutan qanun layihəsinin Böyük Britaniya parlamentinə təqdim edilməsi ərəfəsində çıxış edib. Təşəbbüsü "Control AI" qeyri-kommersiya təşkilatı hazırlayıb.

Qanun layihəsini müxtəlif partiyalardan 130-dan çox parlamentari dəstəkləyir, lakin Britaniya hökuməti hələ bu təklifi dəstəkləyərək çıxış etməyib. Təşəbbüs həm də Nazirlər Kabinetindən deyil, hakim Leyboristlər Partiyasının deputatı Aleks Sobeldən gəlib.

Oxşar xəbərlər

Mehriban Əliyeva Vatikanda Müqəddəs Komodilya katakombalarının bərpası layihəsinin açılışında iştirak edib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Alim: Füzulinin qəbrini Azərbaycana gətirsək, ruhu narahat olar - MÜSAHİBƏ

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2