Prezident Azərbaycana qarşı çirkin kampaniya aparan bəzi dairələrə tutarlı cavab verdi – RƏY
Azərbaycan Prezidenti İlham Əliyev noyabrın 12-də Bakıda COP29-un Liderlər Sammitinin açılış mərasimində səsləndirdiyi bəyanatlarla ölkəyə qarşı çirkin kampaniya aparan bəzi dairələrə tutarlı cavab verdi.
Bunu “Report”a Milli Məclisin deputatı Səbinə Salmanova deyib.
Onun sözlərinə görə, dövlət başçısı bir daha dünyanın gözü önündə Azərbaycanın müsbət imicinin üzərinə kölgə salmaq istəyənlərə dərs keçdi:
“Biz hər dəfə Azərbaycanda mötəbər tədbirlərin, beynəlxalq konfransların, idman yarışlarının keçirildiyi ərəfədə bəzi dairələr tərəfindən ölkəmizə qarşı böhtan və qarayaxma kampaniyalarının aparılmasının şahidi oluruq”.
Deputat xatırladıb ki, düz bir ildir ki, COP29-la bağlı da Qərb mediasında və bəzi platformalarda anti-Azərbaycan kampaniyası aparılır.
“Onlar əllərində olan bütün vasitələrdən istifadə edirlər ki, paytaxtımızda keçirilən COP29-a qarşı boykot kampaniyası həyata keçirilsin. Ancaq onların bu arzuları ürəklərində qaldı”, - o deyib.
S.Salmanova qeyd edib ki, Azərbaycan lideri bugünkü bəyanatları ilə dövlətin qüdrətini bir daha dünyaya göstərdi:
“Əvvəla onu vurğulayım ki, 200 ölkənin yekdil qərarı ilə Azərbaycan COP29-a ev sahibliyi edir. Bu da bizim ölkəyə, onun uzaqgörən dövlət başçısına hörmətin əlamətidir. COP29-un Bakıda keçirilməsi həm də bizim fəal rolumuzun beynəlxalq arenada qiymətləndirilməsi deməkdir”.
Parlamentari onu da söyləyib ki, bəzi Qərb dairələrinin, onların riyakar siyasətçilərinin apardıqları qarayaxma kampaniyalarına baxmayaraq, COP29 Azərbaycanda yüksək səviyyədə keçirilməkdədir: “Bunu yerli və beynəlxalq mediaya baxan zaman BMT əməkdaşlarının, ayrı-ayrı ölkələrin rəsmilərinin səsləndirdikləri fikirlərdə də görmək olar”.
Oxşar xəbərlər
Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4
Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2
VII çağırış Milli Məclisin ilk iclası keçirilib, Prezident İlham Əliyev toplantıda iştirak edib və nitq söyləyib - YENİLƏNİB-3
Səbinə Salmanova: Qərbi azərbaycanlıların öz doğma yurd-yuvalarına qayıdışı tarixi bir zərurətdir - MÜSAHİBƏ
Daşkənddə Azərbaycan və Özbəkistan prezidentlərinin işgüzar dairələrin nümayəndələri ilə görüşü keçirilib - YENİLƏNİB - 2
Ən son xəbərləri bizim
"Facebook" səhifəmizdə izləyin
Digər xəbərlər
-
Livanda "Hizbullah"ın beş üzvü dövlət təhlükəsizliyinə təhdiddə ittiham olunub
-
Qızılın qiyməti ötən ilin sentyabrından sonra ilk dəfə 3 650 dollardan aşağı düşüb
-
"Anthropic"in səhmləri "Nasdaq"da ticarətin ilk günündə 17 % artıb
-
XİN: Tbilisidə baş vermiş faciəvi partlayış xəbərindən dərin kədər hissi keçiririk
-
"DOST to DOST" layihəsi çərçivəsində könüllülərin İsmayıllıya infoturu təşkil olunub
-
Uitkoff Berlində Avropa liderləri ilə görüşü məhsuldar adlandırıb














