Əmək Bazarı və Sosial Müdafiə Məsələləri üzrə Milli Observatoriya ali təhsil və tədqiqat müəssisələri arasında gənclərin elmi-analitik bacarıqlarını inkişaf etdirmək məqsədilə SosialLab adlı müsabiqəyə start verib.

"Far.Az" xəbər verir ki, müsabiqədə iştirak edən komandalar Əmək və Əhalinin Sosial Müdafiəsi Nazirliyinin və Observatoriyanın fəaliyyət istiqamətlərinə uyğun mövzular üzrə tədqiqat aparacaq, nəticələri hesabat şəklində təqdim edəcəklər.

Layihənin ilk mərhələsində komandalar üçün iki günlük təlim proqramı keçiriləcək. Təlimlərdə hesabatların hazırlanması qaydaları, metodoloji yanaşmalar və qiymətləndirmə meyarları təqdim ediləcək, bununla da iştirakçılar sonrakı mərhələdə hesabatlarını daha peşəkar şəkildə hazırlamaq imkanı qazanacaqlar.

Sonda təqdim edilən hesabatlar texniki uyğunluq və plagiat yoxlamasından sonra beynəlxalq akademik meyarlarla qiymətləndiriləcək.

Qalib komandaların məqalələrinin "Scopus" indeksli jurnallarda dərc olunması üçün akademik redaktə və çap dəstəyi göstəriləcək.

İki ay davam edəcək müsabiqədə artıq 11 ali təhsil və tədqiqat müəssisəsinin iştirakı təsdiqlənib.

Oxşar xəbərlər

Prezident İlham Əliyev Milli Aviasiya Akademiyasında Beynəlxalq Təlim Mərkəzinin açılışında iştirak edib

İlham Əliyev Lənkəran Dövlət Peşə Təhsil Mərkəzinin açılışında iştirak edib

Milli Observatoriya növbəti "Sosial Jurnalistika" təlimini keçirib

SOCAR-ın təşkilatçılığı ilə Hüquq və Uyğunluq Forumu keçirilib

Əmək və Sosial Münasibətlər Akademiyasında COP29-a həsr edilən elmi nəşrin təqdimatı olub