"2026-cı ildə Bakıda qeyri-yaşayış obyektlərinin qiymət artımı orta hesabla 13 faiz təşkil edib. Rayonlar üzrə artım göstəriciləri isə fərqli olub".

BAKU.WS-in məlumatına görə, bunu Azərbaycan Qiymətləndiricilər Cəmiyyətinin (AQC) İdarə Heyətinin sədri Vüqar Oruc açıqlayıb.

Onun sözlərinə görə, ən yüksək artım Səbail rayonunda 27 faiz təşkil edib:

"Nəsimi və Nərimanov rayonlarında artım 24,3 faiz, Xətai rayonunda 17 faiz olub. Yasamalda 12,6 faiz, Nizamidə 12,4 faiz, Xəzərdə 10,9 faiz, Binəqədidə 10,7 faiz artım qeydə alınıb. Suraxanıda göstərici 9 faiz, Sabunçuda 7,3 faiz, Qaradağda 5,6 faiz, Pirallahıda isə 3 faiz təşkil edib".

Vüqar Oruc vurğulayıb ki, qiymət artımının yüksək olması həmin rayonun mütləq şəkildə ən bahalı ərazi olması demək deyil:

"Ən bahalı və ən ucuz rayonları müəyyən etmək üçün kvadratmetr üzrə mövcud qiymətlər və faktiki satış göstəriciləri müqayisə edilməlidir. Obyektlərin dəyərinə yerləşmə mövqeyi, ticarət və xidmət infrastrukturu, insan axını, sahə, təyinat və gəlir gətirmək potensialı təsir göstərir.

AQC sədri həmçinin elan qiymətləri ilə faktiki satış qiymətlərinin fərqləndirilməsinin vacibliyini qeyd edib:

"Kommersiya obyekti almaq istəyən sahibkarlar yalnız qiymət artımına deyil, investisiyanın gəlirliliyinə və qoyulan vəsaitin geri dönüş müddətinə də diqqət yetirməlidirlər".

Orxan Hüseyn

Oxşar xəbərlər

Qarabağda işləmək istəyənlərin NƏZƏRİNƏ! - Maaş 1250 AZN-dək

Ət əvəzinə hamı balıq alır - Bazarda SON QİYMƏTLƏR

Cəbrayılda işləmək istəyənlərin NƏZƏRİNƏ! 100-ə yaxın VAKANSİYA

Qurbanlıq heyvanların satışı və kəsimi xidmətləri göstəriləcək ünvanlar açıqlanıb

Azərbaycanlı məşhurlar Ramazanda oruc tutacaqlar?