"Qalatasaray" Moskva ÇSKA-sının yarımmüdafiəçisi Kirill Qlebovla ciddi şəkildə maraqlanır. Türkiyə klubu onu komandadan ayrılmaq niyyətində olan Leroy Sanenin mümkün əvəzləyicisi kimi nəzərdən keçirir.

BAKU.WS xəbər verir ki, bu barədə jurnalist Burak Eren "X" sosial şəbəkəsində paylaşım edib.

Mənbənin bildirdiyinə görə, "Qalatasaray"ın skautları mütəmadi olaraq Rusiyada keçirilən oyunları izləyirlər. Son aylarda klub potensial transfer hədəflərini hər ay müşahidə edir və Qlebov prioritet namizədlər sırasında yer alır.

20 yaşlı futbolçu cari mövsümdə bütün turnirlərdə 16 matçda iştirak edib, 2 qol vurub və 3 məhsuldar ötürmə verib. "Transfermarkt" portalı onun bazar dəyərini 10 milyon avro qiymətləndirir.

Xatırladaq ki, "Qalatasaray" yay transfer pəncərəsində "Lokomotiv"dən Aleksey Batrakovu 25 milyon avroya transfer edərək heyətini gücləndirmişdi.

Oxşar xəbərlər

UEFA Avropa Liqası:  "Qarabağ" - ÇSKA oyununda qalib müəyyənləşməyib - YENİLƏNİB-3

UEFA Avropa Liqası: "Qarabağ" - ÇSKA oyununda ikinci hissə başlayıb - YENİLƏNİR-2

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

FHN tərəfindən "Yaz-yay fəsillərində sel təhlükəsi" mövzusunda növbəti tədbirlər keçirilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN