Füzulidə yeniyetmə qonşusunun tövləsini yandıraraq ona külli miqdarda ziyan vurub.

Far.Az Lent.az-a istinadən xəbər verir ki, hadisə Qayıdış qəsəbəsində qeydə alınıb.

Məlumata görə, 17 yaşlı Səbuhi Həsənov (şərti ad) gecəyarı həmkəndlisinin heyvanları üçün topladığı yonca bağlamalarına od vurub. Yanğın daha sonra tövləyə keçib.

Nəticədə tövlə, oradakı onlarla heyvan, yaxınlıqdakı su çənləri, eləcə də yük avtomobilinə məxsus mühərrik və sürətlər qutusu yanıb. Hadisə nəticəsində zərərçəkənə ümumilikdə 86 402 manat məbləğində ziyan dəyib.

İttiham aktına əsasən, Səbuhinin bu əməli törətməsinə səbəb atasının bir neçə il əvvəl zərərçəkənlə mübahisə etməsi olub. Bildirilir ki, yeniyetmə həmin mübahisəyə görə qonşusunun tövləsini qisas məqsədilə yandırıb.

Faktla bağlı Cinayət Məcəlləsinin bir neçə maddəsi ilə cinayət işi başlanıb.

Məhkəmə araşdırması zamanı Səbuhinin yetkinlik yaşına çatmaması, həmçinin yanğın zamanı tövlənin qapısını açaraq heyvanları xilas etməsi yüngülləşdirici hallar kimi nəzərə alınıb.

Məhkəmənin hökmü ilə S.Həsənov 2 il 11 ay 28 gün müddətinə azadlıqdan məhrum edilib. Cəzanın 2 il sınaq müddəti ilə tətbiq olunduğu bildirilib.

Oxşar xəbərlər

Ov tüfəngi, musiqi qutusu və heykəlciklər - Xalq şairi Rəsul Rzanın Bakıda yerləşən ev-muzeyi

Ağdam və Füzulidə Heydər Əliyevin 103-cü ildönümünə həsr olunan tədbirlər keçirilib

Kiyevə raket hücumu zamanı Azərbaycanın Ukraynadakı səfirliyinə ciddi ziyan dəyib

Agentlik sədri Füzulidə vətəndaşlarla görüşüb

"UFC Fight Night Baku": İlkin döyüşlər başa çatıb, Fərman Həsənov qələbə qazanıb - YENİLƏNİB-6