ABŞ dövlət katibi Marko Rubio Səudiyyə Ərəbistanının xarici işlər naziri Feysəl bin Fərhan Al Səudla görüş keçirib.

"Report" xəbər verir ki, bu barədə Rubio sosial şəbəkə hesabında məlumat verib.

Atlantada keçirilən görüşdə tərəflər İran, Sudan və Yəməndəki vəziyyəti müzakirə ediblər.

Rubio bildirib ki, görüş çərçivəsində ABŞ-nin Ər-Riyadda keçiriləcək "Expo 2030" sərgisində iştirakına dair müqavilə də imzalanıb.

Onun sözlərinə görə, sərgi ABŞ innovasiyalarının nümayişi və ölkənin biznes əlaqələrinin genişləndirilməsi baxımından mühüm platforma olacaq.

Qeyd edək ki, bundan əvvəl ABŞ Dövlət Departamenti təhlükəsizlik təhdidləri ilə əlaqədar Səudiyyə Ərəbistanındakı səfirliyinin bəzi əməkdaşlarını və onların ailə üzvlərini ölkədən çıxarmaq barədə qərar qəbul edib.

Oxşar xəbərlər

Leyla Əliyeva "Mənzərəyə açılan ev" mövzusunda qrup sərgisində iştirak edib

Prezident İlham Əliyev, birinci xanım Mehriban Əliyeva və ailə üzvləri "Mənim Abşeronum: Üstə gəl" adlı retrospektiv sərgi ilə tanış olublar

Azərbaycan Milli Xalça Muzeyində "Zamanın naxışları" moda nümayişi təşkil olunub

İlham Əliyev Şeyx Məhəmməd bin Zayed Al Nəhyana Qarabağ atı hədiyyə edib

Mehriban Əliyeva Bişkekdə dekorativ-tətbiqi sənət ustalarının əl işlərindən ibarət sərgi ilə tanış olub