"İstəklilər koalisiyası"nın sammiti noyabrın sonunadək Berlində keçiriləcək.

"Report" xəbər verir ki, bu barədə Almaniya Kansleri Fridrix Merts Ukrayna Prezidenti Volodimir Zelenski ilə danışıqlardan sonra bildirib.

F.Mertsin sözlərinə görə, Rusiya atəşkəs və ardınca sülh sazişinin bağlanması məsələsinə ciddi yanaşmalıdır.

O, həmçinin bildirib ki, Rusiyanın Qara dənizdəki hücumları münaqişənin daha da gərginləşməsi riskini yaradır və qlobal ərzaq böhranına səbəb ola bilər.

Kansler vurğulayıb ki, Almaniya müharibənin nəticələrini birbaşa hiss edir, buna görə də Ukraynaya dəstək həm Almaniyanın özünün, həm də Avropanın maraqlarına cavab verir:

"Qış ərəfəsində iki istiqamət – hava hücumundan müdafiə və energetika xüsusilə vacibdir. Kiyevdəki görüşümüzdə biz əlavə yardım barədə razılığa gəldik. İndi biz bu razılaşmaları həyata keçiririk".

Oxşar xəbərlər

Prezident İlham Əliyev və Federal Kansler Fridrix Merts mətbuata bəyanatlarla çıxış ediblər - YENİLƏNİB-3

Ağsu dolaylarındakı son durum: Sürüşmə riskini azaltmaq üçün tədbirlər görülür

Prezident İlham Əliyev və Federal Kansler Fridrix Merts mətbuata bəyanatlarla çıxış ediblər - YENİLƏNİB-2

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib